भंडारा : राज्याच्या राजकीय वर्तुळाला सोमवारी (३० मार्च २०२६) सकाळीच अपघाताची धक्कादायक बातमी कळली आहे. काँग्रेस खासदार प्रशांत पडोळे (Congress MP Prashant Padole) यांच्या गाडीला अपघात झाला आहे. खासदार प्रशांत पडोळे निवडक सहकाऱ्यांसह त्यांच्या फॉर्च्युनर कारमधून नागपूरच्या दिशेने जात होते, त्यावेळी अपघात झाला. अपघातात फॉर्च्युनर कारचा चक्काचूर झाला. खासदार प्रशांत पडोळे या अपघातात किरकोळ जखमी झाले. वेळेत उपचार मिळाल्यामुळे खासदार प्रशांत पडोळे यांची प्रकृती आता स्थिर आहे.
भंडारा गोंदिया लोकसभा मतदारसंघाचे काँग्रेस खासदार प्रशांत पडोळे यांच्या गाडीला ट्रकने धडक दिली आहे. यात कुठलीही जीवित हानी झाली नाही. मात्र गाडीचा समोरील भागाचं नुकसान झालं.
सध्या दिल्लीत संसदेचे अर्थसंकल्पीय अधिवेशन सुरू आहे. या अधिवेशनात सहभागी होण्यासाठी खासदार प्रशांत पडोळे भंडारा येथून नागपूर विमानतळावर जात होते. ते विमानाने दिल्लीकडे प्रयाण करणार होते. पण रस्त्यात ट्रकने त्यांच्या गाडीला जोरदार धडक दिली. यात खासदार पडोळे किरकोळ जखमी झाले.