मुंबई: मागील काही दिवसांपासून अनेक लोकांना एलपीजी सिलिंडर बुक करताना काही समस्यांना सामोरं जावं लागत आहे. सिलिंडर बुक झाल्यावर त्याची डिलिव्हरी होत नसल्याच्या तक्रारी काही ग्राहकांनी केल्या आहेत. त्यामुळे लोकांना गॅस एजन्सित अनेक फेऱ्या माराव्या लागत आहेत. जर तुम्हालाही सिलिंडर बुक करण्यापासून डिलिव्हरी पर्यंतच्या समस्या जाणवत असतील, तर खाली दिलेल्या क्रमांकावर तुम्ही तक्रार नोंदवू शकता. याबाबतची सविस्तर माहिती जाणून घ्या.
सिलिंडर बुक करताना का येतात अडचणी?
'नवे नियम' हा बुकिंग न होण्यामागचं सर्वात मोठं कारण आहे.सरकारने नुकतच गॅस पुरवठा सुरळीत करण्यासाठी बुकिंग नियमांमध्ये बदल केलाय. त्यामुळे आता घरगुती गॅस सिलिंडरमध्ये कमीत कमी 25 दिवसांचा गॅप अनिवार्य केला आहे. तुम्ही जर आताच सिलिंडर घेतलं असेल, तर २५ दिवस पूर्ण झाल्याशिवाय तुम्हाला दुसरं सिलिंडर बुक करता येणार नाही.याशिवाय अनेकदा मोबाईल अॅप किंवा वेबसाईटवर अनेक लोकांचा वापर वाढल्याने सिस्टम स्लो होतं. यामुळे बुकिंगमध्ये समस्या येते.
जर तुमची गॅस एजन्सी तुमची समस्या समजून घेत नसेल किंवा जाणूनबुजून उशिर करत असेल, तर तुम्ही थेट PG Portal वर तक्रार दाखल करू शकता. हे एक सरकारी प्लॅटफॉर्म आहे. जिथे तुमची तक्रार थेट संबंधीत विभागापर्यंत पोहोचू शकते आणि त्यावर योग्य ती कार्यवाही होऊ शकते.
PG Portal वेबसाईट ओपन करा.
तुमचं अकाऊंट बनवा किंवा लॉग ईन करा.
'Lodge Public Grievance' वर क्लिक करा.
'Ministry of Petroleum and Natural Gas'च्या ऑप्शनवर क्लिक करा.
इथे एलपीजीच्या समस्यांबाबत लिहा.
ग्राहक क्रमांक आणि एजन्सीची माहिती टाकून सबमीट करा.
तातडीनं मदत मिळण्यासाठी हेल्पलाईन नंबर
जर तुम्ही ऑनलाईन पद्धत वापरत नसाल, तर गॅस कंपनीच्या टोल-फ्री नंबरवरही कॉल करू शकता.
Indane Gas: 1800-2333-555
HP Gas: 1800-2333-555
Bharat Gas: 1800-22-4344