बॉलिवूड अभिनेत्री जान्हवी कपूरनं नुकताच करण जोहरच्या 'धर्मा' टॅलेंट एजन्सीमधून एक्झिट घेतली आहे. अभिनेत्री जान्हवीनं करण जोहरच्या टॅलेंट एजन्सीमधून बाहेर पडल्यानंतर कलेक्टिव आर्टिस्ट नेटवर्क जॉइन केलं आहे.
जान्हवीच्या या एक्झिटनंतर करण जोहरनं एका मुलाखतीत यावर प्रतिक्रिया दिली असून यावेळी करण जोहर म्हणाला आहे की सध्याच्या कलाकारांना लवकरात लवकर प्रसिद्धी हवी असते. तसेच, जान्हवीचा हा निर्णय योग्य असून मी तिच्या भावनांना समजू शकतो. तसेच, या क्षेत्रातील अनेकजण आपल्या टीम एजन्सी सतत बदलत असतात. ही गोष्टी इंडस्ट्रीसाठी सामान्य असल्याचं यावेळी करण जोहरनं सांगितलं आहे.
यावेळी मुलाखतीत करण जोहरने सांगितलं आहे की मी सिनेमांसाठी योग्य कलाकारांचीच निवड करणार मग ते कोणत्याही एजन्सीमधले असतील तरी चालेल. पण, 'धर्मा' टॅलेंट एजन्सीला प्रामुख्याने महत्व देणार असल्याचंही यावेळी करण जोहरनं सांगितलेलं आहे.