एक हजारांपेक्षा जास्त माता-भगिनींचा महिला दिनानिमित्त ‘साडी वॉकाथॉन’मध्ये सहभाग
मुंबई भाजप अध्यक्ष आमदार अमीत साटम प्रमुख पाहुणे म्हणून उपस्थित
मुंबई : आंतरराष्ट्रीय महिला दिनाच्या निमित्ताने उत्तर-पश्चिम मुंबईतील भारतीय जनता पक्षाच्या (भाजप) महिला मोर्चातर्फे रविवारी ‘साडी वॉकाथॉन – तिच्या पावलात शक्ती २०२६’ या कार्यक्रमाचे आयोजन करण्यात आले होते. या कार्यक्रमाला एक हजारांपेक्षा जास्त माता-भगिनींनी उपस्थित राहून भरघोस प्रतिसाद दिला.
या कार्यक्रमासाठी मुंबई भाजप अध्यक्ष आमदार अमीत साटम प्रमुख पाहुणे म्हणून उपस्थित होते. तसेच इतर लोकप्रतिनिधी आणि स्थानिक पदाधिकारीही उपस्थित होते.
आज आगळावेगळा असा साडी वॉकाथॉन कार्यक्रम आयोजित करण्यात आला. हजारो माता-भगिनींनी पारंपरिक साडी नेसून या वॉकाथॉनमध्ये उत्स्फूर्त सहभाग नोंदवला. ‘तिच्या पावलात शक्ती’ हे ब्रीदवाक्य आज खऱ्या अर्थाने सार्थ ठरले. महिलांचे आरोग्य, उत्साह आणि आपली संस्कृती यांचा हा अनोखा संगम पाहून अभिमान वाटल्याचे मुंबई भाजप अध्यक्ष आमदार अमीत साटम यांनी सांगितले.
हा कार्यक्रम भाजप उत्तर-पश्चिम जिल्हा मुंबई महिला मोर्चातर्फे आयोजित करण्यात आला होता. वॉकाथॉनची सुरुवात सकाळी ६ वाजता आरे चेक नाका, वाघदेवी मंदिराजवळील युनिट १० मैदानातून झाली.