वलसाड : गुजरातच्या वलसाड येथील 'सरदार हाईट्स' या गुजरात हाऊसिंग बोर्ड संकुलात आज सकाळी काळजाचा ठोका चुकवणारी एक घटना घडली. संकुलातील साबरमती बिल्डिंगमध्ये लिफ्टचा भीषण अपघात झाला, ज्यामध्ये एक रहिवासी मृत्यूच्या दारातून सुखरूप परतला आहे. या संपूर्ण घटनेचे थरारक सीसीटीव्ही फुटेज समोर आले असून, ते पाहून पाहणाऱ्यांच्या अंगावर काटा येत आहे.
नांदेड : अमेरिका, इस्रायल आणि इराण यांच्यातील संघर्ष आता टोकाला पोहोचला असून त्याचे पडसाद जागतिक स्तरावर उमटत आहेत. जगाला इंधन पुरवठा करणाऱ्या इराणवर ...
नेमकी घटना काय ?
मिळालेल्या माहितीनुसार, साबरमती बिल्डिंगमध्ये राहणारे वत्सलभाई पंचाल हे सकाळी आपल्या कामासाठी लिफ्टने जात होते. ते लिफ्टमध्ये प्रवेश करत असतानाच अचानक लिफ्टमध्ये तांत्रिक बिघाड झाला आणि लिफ्ट कोसळली. सीसीटीव्ही फुटेजमध्ये वत्सलभाई या भीषण अपघाताचा बळी ठरताना स्पष्ट दिसत आहेत. लिफ्ट वेगाने खाली गेल्यामुळे त्यांना गंभीर अंतर्गत जखमा झाल्या आहेत. हा अपघात इतका भीषण होता की वत्सलभाईंचा जीव जाण्याची दाट शक्यता होती. मात्र, 'काळ आला होता पण वेळ आली नव्हती' या म्हणीप्रमाणे ते या संकटातून चमत्कारिकरीत्या बचावले आहेत. त्यांना तातडीने जवळच्या रुग्णालयात दाखल करण्यात आले असून, सध्या त्यांच्यावर उपचार सुरू आहेत. त्यांची प्रकृती स्थिर असल्याचे सांगण्यात येत आहे.
मेंटेनन्सवर संताप आणि सवाल
या घटनेनंतर सोसायटीतील रहिवाशांमध्ये तीव्र संताप व्यक्त केला जात आहे. गुजरात हाऊसिंग बोर्ड संकुलासारख्या मोठ्या इमारतीत लिफ्टची नियमित देखभाल (Maintenance) का केली जात नव्हती? असा सवाल आता उपस्थित केला जात आहे. लिफ्टच्या सुरक्षेची जबाबदारी असलेल्या कंत्राटदारावर आणि सोसायटीच्या व्यवस्थापनावर कठोर कारवाई करण्याची मागणी रहिवासी करत आहेत.