कोलकाता : आयसीसी मेन्स टी ट्वेंटी वर्ल्डकप २०२६ मध्ये सुपर एट फेरीत आज भारत विरुद्ध वेस्ट इंडिज हा निर्णायक सामना सुरू आहे. नाणेफेक जिंकून भारताने गोलंदाजीचा निर्णय घतला. प्रथम फलंदाजी करणाऱ्या वेस्ट इंडिजने २० षटकांत ४ बाद १९५ धावा केल्या.
जसप्रीत बुमराहने वेस्ट इंडिजच्या चार पैकी दोन फलंदाजांना बाद केले. विशेष म्हणजे बुमराहने शिमरॉन हेटमायरला बाद केले. आंतरराष्ट्रीय टी ट्वेंटी क्रिकेटमध्ये बुमराहने हेटमायरला आतापर्यंत सहा वेळा बाद केले आहे. बुमराहने हेटमायरला आंतरराष्ट्रीय टी ट्वेंटी क्रिकेटमध्ये आतापर्यंत २३ चेंडू टाकून ६ वेळा बाद केले आहे. आजच्या सामन्यात शिमरॉन हेटमायरने १२ चेंडूत २ षटकार आणि १ चौकार मारत २७ धावा केल्या, त्याला जसप्रीत बुमराहने संजू सॅमसनकरवी झेलबाद केले.
शाई होपने ३३ चेंडूत १ षटकार आणि ३ चौकार मारत ३२ धावा केल्या, त्याला वरुण चक्रवर्तीने त्रिफळाचीत केले. रोस्टन चेसने २५ चेंडूत १ षटकार आणि ५ चौकार मारत ४० धावा केल्या, त्याला जसप्रीत बुमराहने सूर्यकुमार यादवकरवी झेलबाद केले. शिमरॉन हेटमायरने १२ चेंडूत २ षटकार आणि १ चौकार मारत २७ धावा केल्या, त्याला जसप्रीत बुमराहने संजू सॅमसनकरवी झेलबाद केले. शेरफेन रदरफोर्डने ९ चेंडूत १ षटकार मारत १४ धावा केल्या, त्याला हार्दिक पांड्याने संजू सॅमसनकरवी झेलबाद केले. रोवमन पॉवेलने १९ चेंडूत २ षटकार आणि ३ चौकार मारत नाबाद ३४ धावा केल्या. जेसन होल्डरने २२ चेंडूत ३ षटकार आणि २ चौकार मारत नाबाद ३७ धावा केल्या.