मुंबई: ‘भूत बंगला’ हा २०२६ मधील सर्वाधिक चर्चेत असलेला चित्रपट ठरत आहे. यामागील मुख्य कारण म्हणजे बॉलिवूडचा ‘ओजी’ स्टार Akshay Kumar आणि दिग्दर्शक Priyadarshan यांची तब्बल १४ वर्षांनंतर होत असलेली पुनर्भेट. या जोडीने यापूर्वी दिलेल्या गाजलेल्या विनोदी चित्रपटांमुळे चाहत्यांमध्ये या चित्रपटाबाबत प्रचंड उत्सुकता निर्माण झाली आहे.
बालाजी मोशन पिक्चरच्या (Balaji Motion Pictures) बॅनरखाली तयार होत असलेल्या या चित्रपटाने, आयकॉनिक जोडीचे चित्रपट पाहत मोठे झालेल्या प्रेक्षकांमध्ये विशेष उत्साह निर्माण केला आहे. त्यांच्या आधीच्या सहकार्यांतून अनेक अविस्मरणीय कॉमेडी क्लासिक्स प्रेक्षकांना मिळाले होते. त्यामुळे ‘भूत बंगला’मधूनही त्याच जुन्या धम्माल विनोदाची आणि खास शैलीची मोठ्या पडद्यावर पुनरागमन होण्याची अपेक्षा व्यक्त केली जात आहे.
या उत्सुकतेत आणखी भर घालत निर्मात्यांनी अक्षय कुमारचा मोशन पोस्टर प्रदर्शित केला आहे. ‘भूत बंगला’चा हा नवा लूक गडद हॉरर वातावरणासोबतच विनोदाचा तडका देणारा आहे. अक्षय कुमार पुन्हा एकदा त्यांच्या जुन्या अंदाजात दिसत असून, त्यांचा पोशाख, रुद्राक्षांची माळ, खास खळखळून हसण्याची शैली आणि भीतीदायक चेहरे व शिंगांनी सजलेल्या सिंहासनावर बसलेला त्यांचा अवतार चित्रपटाच्या भव्यतेची झलक दाखवतो.
बालाजी टेलिफिल्मसच्या विभाग असलेल्या बालाजी मोशन पिक्चर्सने Cape of Good Filmsसोबत मिळून ‘भूत बंगला’ची निर्मिती केली आहे. या चित्रपटात अक्षय कुमार यांच्यासह वामिका गब्बी, परेश रावल, तब्बू, राजपाल यादव, मिथिला पालकर आणि दिवंगत असरानी यांसारखे कलाकार झळकणार आहेत.
प्रियदर्शन यांच्या दिग्दर्शनाखाली तयार झालेल्या या चित्रपटाची निर्मिती अक्षय कुमार, शोभा कपूर आणि एकता आर कपूर यांनी केली आहे. ‘भूत बंगला’ हा चित्रपट १० एप्रिल २०२६ रोजी प्रदर्शित होणार आहे.