अमेरिका आणि इराण यांच्यातील तणाव सतत वाढत चालला आहे. अमेरिकेची विमानवाहू नौका इराणच्या दिशेने सरकत असल्याची माहिती सूत्रांनी दिली आहे. या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी इराणला करार करावाच लागेल. अन्यथा परिणाम गंभीर होतील असा इराणला थेट इशारा दिला आहे.
इराण संपूर्ण प्रदेशाच्या स्थैर्याला धोका निर्माण करू शकत नाही:
‘बोर्ड ऑफ पीस’ कार्यक्रमात बोलताना ट्रम्प म्हणाले की, “इराणने आता आमच्यासोबत आम्ही तयार करत असलेल्या मार्गावर यावे. त्यांनी साथ दिली तर उत्तमच; पण साथ दिली नाही तरीही आम्ही पुढे जाऊ. मात्र तो मार्ग पूर्णपणे वेगळा असेल.” त्यांनी पुढे सांगितले की, इराण संपूर्ण प्रदेशाच्या स्थैर्याला धोका निर्माण करू शकत नाही. “त्यांना करार करावाच लागेल. अन्यथा परिणाम गंभीर असतील,” असा इशाराही त्यांनी दिला.
पुढील दहा दिवसांत परिस्थिती स्पष्ट होईल:
गुरुवारी तेहरानवर टीका करताना ट्रम्प म्हणाले, “आपल्याला कदाचित हे एक पाऊल पुढे न्यायला लागेल, किंवा कदाचित नाही. कदाचित आपण कराराच्या दिशेने जात आहोत. पुढील दहा दिवसांत परिस्थिती स्पष्ट होईल.” ट्रम्प यांनी पुन्हा एकदा ठामपणे सांगितले की, इराणकडे अण्वस्त्रे असू नयेत. “इराणकडे अण्वस्त्रे असतील तर मध्यपूर्वेत शांतता प्रस्थापित होऊ शकत नाही,” असे त्यांनी नमूद केले.