वसई: वसईमधून एक धक्कादायक घटना समोर आली आहे. वसईत एका ६० वर्षांच्या महिलेची राहत्या घरात हत्या करण्यात आली आहे. वसईच्या बऱ्हाणपूर उमेळमान गावातील ही घटना आहे. भिमाई या बंगल्यात दुर्गा संजयराव बनसोडे ही ६० वर्षीय महिला एकटी राहत होती. तिचा मुलगा वालीव येथे राहत होता. अज्ञात व्यक्तीने घरात घुसून तिची हत्या केली आहे. हत्येच कारण अद्याप अस्पष्ट आहे. सोमवारी सकाळपासून दुर्गा या फोन उचलत नसल्याने मुलाने रात्री येवून, बघितल्यावर हॅालच्या आत रक्ताचे डाग दिसले, त्यामुळे पोलिसांना बोलावण्यात आले. त्यानंतर ही घटना उजेडात आली. मृतदेह बेडरूममध्ये होता आणि बेडवरील गादी काढून बेड उघडण्यात आला होता. तसेच बेडरूमच्या दरवाजाला बाहेरून स्क्रूड्रायव्हर लावण्यात आले होते. सध्या पोलिसांनी पंचनामा करुन, मृतदेह शवविच्छेदनासाठी पाठवला आहे. घरात काही चोरी झाली का? याबाबत घरच्यांनी पडताळणी केल्यानंतर माहिती मिळेल.
घरात घुसून महिलेची हत्या
अज्ञात व्यक्तीने घरात घुसून दुर्गा नामक महिलेची निर्घृण हत्या केल्याची धक्कादायक घटना समोर आली आहे. या हत्येमागील कारण अद्याप अस्पष्ट आहे. माहितीनुसार, सोमवारी सकाळपासून दुर्गा या फोन उचलत नव्हत्या. त्यामुळे संशय आल्याने त्यांचा मुलगा रात्री घरी आला. घरात प्रवेश केल्यानंतर हॉलमध्ये रक्ताचे डाग आढळून आले. त्यानंतर तात्काळ पोलिसांना माहिती देण्यात आली. पोलिसांनी घटनास्थळी धाव घेत तपास सुरू केला असता ही घटना उघडकीस आली. मृतदेह बेडरूममध्ये आढळून आला. बेडवरील गादी काढून बेड उघडलेला होता. तसेच बेडरूमच्या दरवाजाला बाहेरून स्क्रूड्रायव्हर लावण्यात आल्याचेही निदर्शनास आले आहे. यावरून गुन्हा नियोजनपूर्वक केल्याचा संशय व्यक्त केला जात आहे. पोलिसांनी घटनास्थळाचा पंचनामा करून मृतदेह शवविच्छेदनासाठी पाठवला आहे. घरातून काही चोरी झाली आहे का, याबाबत कुटुंबीयांकडून पडताळणी सुरू असून त्यानंतरच अधिक माहिती स्पष्ट होणार आहे. पोलीस पुढील तपास करत आहेत.