कणकवली : कोकणची काशी म्हणून ओळखली जाणारी आंगणेवाडी येथील श्री भराडी देवीची यात्रा ९ फेब्रुवारी रोजी होणार आहे. या यात्रेसाठी राज्य परिवहन महामंडळाच्या सिंधुदुर्ग विभागातून विविध मार्गावर जादा १३५ एसटी बसेस सोडण्यात येणार आहेत. १० फेब्रुवारी पर्यंत ही व्यवस्था करण्यात आली आहे. यात कुडाळ - आंगणेवाडी १५, वेंगुर्ला आगारासाठी कुडाळ - आंगणेवाडी १०, कसाल - हिवाळे - आंगणेवाडी ४, कसाल - खोटले - आंगणेवाडी ५, निरुखे - पांग्रड आंगणेवाडी ३, पणदूर - ओरोस आंगणेवाडी १ अशा कुडाळ आगारातून ३८ बसेस सोडण्यात येणार आहेत.
मालवण आगारातून मालवण - आंगणेवाडी १०, सावंतवाडी आगारासाठी मालवण - आंगणेवाडी १३, देवबाग तारकर्ली - आंगणेवाडी २, आनंदव्हाळ आंगणेवाडी, डांगमोडे - आंगणेवाडी, सर्जेकोट - आंगणेवाडी, मालोंड - आंगणेवाडी, देवली - वायरी - आंगणेवाडी, वराड - आंगणेवाडी, तळगाव - सुकळवाड - आंगणेवाडी, तिरवडे आंगणेवाडी, कट्टा आंगणेवाडी, धामापूर - आंगणेवाडी अशी प्रत्येकी एक बस, मसुरे आंगणेवाडी ४, चौके आंगणेवाडी २ अशा मालवण आगारातून ४१ बसेस सोडण्यात येतील.
कणकवली आगारातून २६, विजयदुर्ग आगारासाठी ५, सावंतवाडी आगारासाठी १०, असगणी - असरोंडी - आंगणेवाडी २ अशा ४३ बसेस कणकवली आगारातून सोडण्यात येणार आहेत.
देवगड आगारातून देवगड - आंगणेवाडी, हिंदळे - मुणगे - आंगणेवाडी प्रत्येकी २, आचरा - आंगणेवाडी ३, तोंडवली - तळाशील - आंगणेवाडी, कुडोपी आंगणेवाडी, आरे आंगणेवाडी, आचरा चिंदर बांदिवडे - आंगणेवाडी अशी प्रत्येकी १ अशा ११ बसेस देवगड आगारातून, तर पाट - परूळे - आंगणेवाडी आडारीमार्गे २ अशा वेंगुर्ला आगारातून जादा बसेस सोडण्यात येणार आहेत.