मेलबर्न : ऑस्ट्रेलियन ओपन २०२६च्या पुरुष एकेरी स्पर्धेच्या अंतिम सामन्यात स्पेनच्या युवा खेळाडू कार्लोस अल्कारेजने इतिहास रचला. त्याने अंतिम फेरीत दिग्गज टेनिसपटू नोवाक जोकोविचला पराभवाची धूळ चारली. ही स्पर्धा चौथ्या सेटपर्यंत चालली. पहिल्या सेटमध्ये जोकोविचने बाजी मारली. मात्र त्यानंतर सलग तीन सेटमध्ये कार्लोस अल्काराज सरस ठरला. हा सामना अल्कारेजने ३-१ ने जिंकला. अल्कारेजने २-६, ६-२, ६-३, ७-५ ने नोवाकला नमवले. कार्लोसने पहिल्यांदाच ऑस्ट्रेलियन ओपन किताब जिंकला आणि कॅरियर ग्रँड स्लॅम पूर्ण केलं. कार्लोस अल्कारेजचा हा सातवा ग्रँड स्लॅम किताब आहे. अल्कारेजने वयाच्या २२ व्या वर्षी ऑस्ट्रेलियन ओपन, फ्रेंच ओपन, विंबलडन आणि यूएस ओपन किताब जिंकला. त्याने २०२३,२०२४ मध्ये विंबलडन, २०२४,२०२५ मध्ये फ्रेंच ओपन, २०२२ मध्ये यूएस ओपन आणि २०२६ मध्ये ऑस्ट्रेलियन ओपन जिंकला. अशी कामगिरी सर्वात लहान वयातील पुरूष टेनिसपटू ठरला. अल्कराजने ८८ वर्षांनंतर डॉन बजचा विक्रम मोडला. कार्लोस अल्कारेजला ऑस्ट्रेलियन ओपन विजयानंतर बक्षिसाच्या रूपाने २.७५ मिलियन डॉलर म्हणजेच जवळपास २५ कोटी २१ लाख रुपये मिळाले. ही ऑस्ट्रेलियन ओपन इतिहासातील सर्वात मोठी बक्षिसी रक्कम आहे. तर नोवाकला उपविजेता म्हणून जवळपास १३ कोटी रुपये मिळाले.