बारामती : बारामतीजवळ विमान अपघातात उपमुख्यमंत्री अजित पवार यांचा मृत्यू झाल्याच्या बातमीने संपूर्ण देश हळहळला. गुरुवारी सकाळी १२ वाजता त्यांच्या पार्थिवावर अंत्यसंस्कार करण्यात आले. दरम्यान, या अपघातानंतर नागरी उड्डाण मंत्रालयाने तातडीने तपास प्रक्रिया सुरू केली असून, या अपघातग्रस्त विमानाचा ‘ब्लॅक बॉक्स’ शोधण्यात यश आले आहे. या बॉक्समुळे विमानाचा संपर्क का तुटला आणि लँडिंगच्या वेळी नक्की काय घडले, याचा उलगडा लवकरच होणार आहे. मुंबईहून बारामतीकडे येताना झालेल्या या भीषण अपघातात अजित पवारांसह पाच जणांनी आपला जीव गमावला. हा अपघात तांत्रिक बिघाडामुळे झाला की हवामानातील बदलामुळे, याचे गुपित आता या ब्लॅक बॉक्समध्ये कैद असलेल्या माहितीमुळे (Flight Data Recorder) समोर येईल. हा ब्लॅक बॉक्स आता फॉरेन्सिक तपासासाठी पाठवण्यात आला असून, लवकरच या भीषण दुर्घटनेचा सविस्तर अहवाल प्रसिद्ध केला जाण्याची शक्यता आहे.
बारामती : महाराष्ट्राच्या राजकारणातील एका धडाडीच्या आणि शिस्तप्रिय पर्वाचा आज बारामतीच्या मातीत शेवट झाला. राज्याचे उपमुख्यमंत्री अजित पवार ...
अखेर 'नारिंगी' ब्लॅक बॉक्स सापडला
उपमुख्यमंत्री अजित पवार यांच्या अपघातग्रस्त 'लिअरजेट ४५' विमानाचा ब्लॅक बॉक्स अखेर सापडला असल्याची माहिती नागरी विमान वाहतूक महासंचालनालयाने (DGCA) दिली आहे. धावपट्टीच्या अगदी जवळ पोहोचण्यापूर्वीच विमानाचा स्फोट होऊन पाचही प्रवाशांचा अंत झाला होता. या भीषण दुर्घटनेमागचे नेमके कारण काय? विमान तांत्रिक बिघाडामुळे कोसळले की मानवी चुकीमुळे? या सर्व प्रश्नांची उत्तरे आता या ब्लॅक बॉक्समधून मिळण्याची शक्यता आहे. विमानातील फ्लाइट डेटा रेकॉर्डर (FDR) आणि कॉकपिट व्हॉइस रेकॉर्डर (CVR) या दोन यंत्रणांना एकत्रितपणे 'ब्लॅक बॉक्स' म्हटले जाते. नावाप्रमाणे हा बॉक्स काळा नसून ठळक नारिंगी रंगाचा आहे, ज्यामुळे ढिगाऱ्यात तो शोधणे सोपे झाले. लिअरजेट ४५ हे विमान अत्यंत कडक सुरक्षा मानकांनुसार बनवलेले असूनही हा अपघात कसा झाला, याचा शोध घेण्यासाठी यातील डेटा आता फॉरेन्सिक तपासासाठी पाठवण्यात आला आहे. हा बॉक्स भीषण आग, स्फोट आणि उच्च तापमानातही सुरक्षित राहील अशा पद्धतीने डिझाइन केलेला असतो. ब्लॅक बॉक्समधून मिळालेला डेटा भविष्यातील विमान अपघात रोखण्यासाठी देखील उपयुक्त ठरतो. बारामतीतील विमान अपघाताचं कारण शोधण्यासाही आता हाँ ब्लॅक बॉक्स महत्वाचा ठरले. काल हे विमान धावपट्टीच्या उंबरठ्यावर पोहोचण्याआधीच कोसळलं अशी माहिती समोर आली. खाली कोसळताच स्फोट होऊन मोठी आग लागली आणि पाचही प्रवाशांचा दुर्दैवी मृत्यू झाला.
अजित दादांवर शासकीय इतमामात अंत्यसंस्कार
आज बारामतीतील विद्या प्रतिष्ठानच्या मैदानावर अजित पवार यांच्यावर शासकीय इतमामात अंत्यसंस्कारल करण्यात आले. यावेळी गृहमंत्री अमित शाह, बीजेपी अध्यक्ष नितिन नवीन, महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे हे उपस्थित होते. इतरही अनेक राजकीय नेते, मान्यवर नेत्यांनी उपस्थिती लावून अजित पवार यांना श्रद्धांजली वाहिली.