मुंबई (विशेष प्रतिनिधी) : मुंबई महापालिकेच्या सार्वत्रिक निवडणुकीचा निकाल जाहीर झाला असून त्यामध्ये मागील २५ वर्षांपासून सत्तेत असलेल्या उबाठाला आजवर सर्वांधिक कमी जागा मिळाल्या आहेत. या निवडणुकीत उबाठाचे सुमारे ५७ नगरसेवक न निवडून आले असून ही संख्या आजवरची सर्वांत कमी आहे. त्यामुळे मुंबई महापालिकेत उबाठा शिवसेना प्रथमच विरोधी पक्षात बसलेला पहायला मिळणार आहे.
मुंबई महापालिकेच्या सन २०२५च्या निवडणुकीत उबाठा पक्षाचे नगरसेवक निवडून आले आहेत. या निवडणुकीत उबाठा पक्षाने १३७ जागी आपले उमेदवार दिले होते. या निवडणुकीत उबाठाचे ५७ नगरसेवक निवडून आले आहेत. यापूर्वी झालेल्या सन २०१७च्या निवडणुकीत शिवसेनेने भाजपासोबत युती तोडून प्रथमच स्वबळावर निवडणूक लढवली होती. त्यामध्ये ८२ नगरसेवक निवडून आले होते. परंतु यावेळी शिवसेनेचे दोन तुकडे झाल्यानंतर मूळ शिवसेना ठाकरेंचीच म्हणणाऱ्या उबाठाला मुंबईत पुन्हा आपले यश मिळवता आलेले नाही. त्यामुळे प्रथमच त्यांचा आकडा कमीवर आला आहे.
यापूर्वी २०१२मध्ये शिवसेनेचे ७५ नगरसेवक निवडून आले होते. तर त्यापूर्वी २००७मध्ये ८४ नगरसेवक निवडून आले होते. त्यामुळे मागील निवडणुकीतील उबाठा शिवसेनेच्या नगरसेवकांची संख्या पाहता प्रथमच त्यांचे प्रथमच नगरसेवक कमी आले आहे. त्यामुळे मागील १९९७ पासून सलग सत्तेवर असणाऱ्या उबाठाला आता प्रथमच विरोधी पक्षात बसवण्याची वेळ आली आहे.
उबाठाची मागील चार निवडणुकीतील आकडेवारी
सन २०२६ : सुमारे ६५ नगरसेवक
सन २०१७ : ८२ नगरसेवक
सन २०१२ : ७५ नगरसेवक
सन २००७ : ८४ नगरसेवक
सन २००२ : ९० नगरसेवक
सन १९९७ : ९६ नगरसेवक