मोहित सोमण: आरबीआयने (Reserve Bank of India RBI) या आठवड्यातील परकीय चलन संकलनाची आकडेवारी घोषित केली आहे. आपल्या विकली बुलेटिनमध्ये आरबीआयने प्रकाशित केलेल्या माहितीनुसार, गेल्या आठवड्यातील परकीय चलनात इयर ऑन इयर बेसिसवर (YoY) ३.२९ अब्ज डॉलरने वाढ होत चलन ६९६.६१ अब्ज डॉलरवर पोहोचले असल्याचे म्हटले गेले आहे. तत्पूर्वी परकीय चलन ४.३६ अब्ज डॉलरने वाढत २६ डिसेंबरपर्यंत ६९३.३२ अब्ज डॉलरवर पोहोचले होते. आकडेवारीनुसार परकीय चलन मालमत्तेत (Foreign Currency Assets FCA) इयर ऑन इयर बेसिसवर २६ डिसेंबरपर्यंत आठवड्यात १८४ दशलक्ष डॉलर्सने वाढ झाली असून ते ५५९.६१ अब्ज डॉलरवर पोहोचले असल्याचे आरबीआयने आकडेवारीत नमूद केले आहे.
एसडीआर (Special Drawings Right) गेल्या आठवड्यात (२६ डिसेंबरपर्यंत) इयर ऑन इयर बेसिसवर ६० दशलक्ष डॉलर्सने वाढ झाली असून १८.८० अब्ज डॉलरवर वाढ नोंदवली आहे. सोन्याच्या बाबतीत गेल्या आठवड्यातील सोने संकलनात (Gold Reserves) इयर ऑन इयर बेसिसवर २.९६ अब्ज डॉलरने वाढ झाली असून ती ११३.३२ अब्ज डॉलरवर पोहोचली आहे. आयएमएफ (International Monetary Fund IMF) कडे असलेल्या रिव्हर्स पोझिशनमध्ये ९३ दशलक्ष डॉलर्सने वाढ झाली असून ४.८८ अब्ज डॉलरवर पोहोचली आहे.
देशाच्या व्यापारी स्थितीसह चलनाची हालचाल आरबीआय वेळोवळी ओपन मार्केट ऑपरेशनमधून नियंत्रित करत असते. गेल्या आठवड्यात डॉलरच्या तुलनेत रूपयाचे अवमूल्यन रोखण्यासाठी आरबीआयकडून आक्रमक पद्धतीने डॉलरची विक्री झाली होती. परंतु या आठवड्यात भूराजकीय अस्थिरतेचा चलनी बाजारात फटका बसला. दरम्यान भारतीय बाजारातील गुंतवणूक वाढल्याने रूपयांचे गेल्या आठवड्यात दर काही प्रमाणात नियंत्रित राहिले परिणामी आरबीआयने मोठ्या प्रमाणात परकीय चलनाची खरेदी करत मूल्यांकन राखले. संबंधित आकडेवारी २६ डिसेंबरपर्यंत दर्शविली आहे.
आरबीआय वेळोवळी परकीय चलन बाजारातील घडामोडींवर बारकाईने लक्ष ठेवते आणि बाजारातील परिस्थिती सुव्यवस्थित राहावी यासाठी आवश्यकतेनुसार हस्तक्षेप करते. हे हस्तक्षेप रुपयामधील अतिरिक्त अस्थिरता रोखण्याच्या उद्देशाने केले जातात आणि ते कोणत्याही पूर्वनिर्धारित विनिमय दराच्या पातळीशी किंवा मर्यादेशी जोडलेले नसतात.