मोहित सोमण : आजही इक्विटी बेंचमार्क निर्देशांकात सकाळच्या सत्रात अपेक्षित घसरण कायम राहिली असून सेन्सेक्स ३६०.०४ अंकाने व निफ्टी १०५.५० अंकाने घसरला आहे. विशेषतः बँक निर्देशांकात झालेल्या घसरणीसह मेटल (०.७७%), प्रायव्हेट बँक (०.३२%),आयटी (०.७६%), मिडस्मॉल फायनांशियल सर्विसेस एक्स बँक (०.५७%) निर्देशांकात सर्वाधिक घसरण झाली असून वाढ एफएमसीजी (०.६४%), कंज्यूमर ड्युरेबल्स (०.२७%), ऑटो (०.०४%) निर्देशांकात वाढ झाली आहे. व्यापक निर्देशांकात स्मॉलकॅप ५० (०.५०%), मिडकॅप १०० (०.४१%) निर्देशांकात घसरण कायम आहे. विशेषतः आज बाजारातील अस्थिरतेचा फटका गुंतवणूकदारांना बसला असून परदेशी संस्थात्मक गुंतवणूकदारांची भूमिका आज बेंचमार्क निर्देशांकातील दृष्टीने महत्वाची ठरणार आहे.
युएस बाजारासह आशियाई बाजारातील कमकुवत सुरुवातीचा फटका भारतीय बाजारात कायम राहणार असून आजही अस्थिरतेचे सत्र म्हणून गुंतवणूकदारांना सावधगिरीचे पाऊल उचलावे लागेल असे दिसते. युएस बाजारातील एआय टेक शेअर्समध्ये मोठ्या सेल ऑफ झाल्याने व आज जाहीर होणाऱ्या पेरोल रोजगार डेटामुळे गुंतवणूकदारांनी सावधगिरीचे पाऊल उचललेले दिसते. चीनच्या कमकुवत आकडेवारीचा इफेक्ट म्हणून आशियाई पॅसिफिक बाजारात आज संमिश्र कल बाजारात दिसू शकतो. दुसरीकडे काल भारतीय शेअर बाजारात जवळपास ३०० अंकाने अखेरच्या सत्रात सावरला असल्याने किरकोळ घसरणीसह बंद झाला. कालही झालेल्या रुपयांच्या घसणीसह परदेशी संस्थात्मक गुंतवणूकदारांनी आपली गुंतवणूक बाजारातून काढून घेतली.
आज आशियाई बाजारातील पहिल्या सत्रातील घसरण कालप्रमाणे आजही कायम राहिली असल्याने गिफ्ट निफ्टी (०.३५%) सह निकेयी २२५ (१.२१%), हेंगसेंग (१.९५%), शांघाई कंपोझिट (१.२२%), तैवान वेटेड (१.५०%) निर्देशांकात घसरण झाली आहे. काल युएस बाजारात डाऊ जोन्स (०.०२%) वगळता एस अँड पी ५०० (०.१६%)सह नासडाक (०.६१%) निर्देशांकात घसरण झाली आहे.
आज सुरुवातीच्या सत्रात सर्वाधिक वाढ एफएसीटी (५.५५%), टाटा टेलिकम्युनिकेशन (४.५२%), निवा बुपा हेल्थ (३.१५%), भारती हेक्साकॉम (३.०८%), सिमेन्स इंजिनिअरिंग (२.४५%), सुप्रीम इंडस्ट्रीज (२.३२%), एमआरपीएल (२.२४%),
अव्हेन्यू सुपरमार्ट (१.९७%) समभागात झाली आहे असून टीआरआयएल (४.८५%), ओला इलेक्ट्रिक (४.०१%), अँक्सिस बँक (३.७८%), इटर्नल (३.३८%), हिंदुस्थान कॉपर (२.६१%), पीबी फिनटेक (२.५४%), जेएम फायनांशियल (२.४८%), भेल (२.३२%) समभागात झाली आहे.
आजच्या सुरुवातीच्या कलावर भाष्य करताना जिओजित इन्व्हेसमेंट लिमिटेडचे मुख्य गुंतवणूक रणनितीकार डॉ वी के विजयाकुमार म्हणाले आहेत की,'बाजार जवळच्या काळात एकत्रीकरणाच्या (Consolidation) स्थितीत जात आहे. घरगुती गुंतवणूकदारांनी (DII) खरेदीमुळे सतत परदेशी संस्थात्मक गुंतवणूकदारांची विक्री सहजपणे शोषली जात असल्याने आणि आर्थिक मूलभूत घटक लक्षणीय सुधारणा दर्शवत असल्याने, बाजाराला कमकुवतपणावर आधार मिळेल. नोव्हेंबरमधील व्यापार तूट ऑक्टोबरमधील ४१.६४ अब्ज डॉलरवरून २४.५३ अब्ज डॉलरपर्यंत कमी झाल्यामुळे रुपया देखील स्थिर होण्याची शक्यता आहे. यामुळे परदेशी संस्थात्मक गुंतवणूकदारांवरील (FII) विक्रीचा दबाव कमी होईल आणि पुढील घसरणीची अपेक्षा आहे.
अमेरिकेत एआयमधील व्यापार कमकुवत होत आहे. शक्यता आहे की २२०६ मध्ये कधीतरी, एआय व्यापार लक्षणीयरीत्या कमकुवत होईल ज्यामुळे भारतासारख्या EMs मध्ये भांडवल प्रवाह सुलभ होईल. तथापि, जर बाजाराला सतत ताकद दाखवायची असेल तर कमाईची पुनर्प्राप्ती आवश्यक आहे. Q3 ची आकडेवारी कमाईची पुनर्प्राप्ती कुठे होत आहे हे दर्शवेल. बँक निफ्टी मजबूत राहील.'