मोहित सोमण: युएस फेडरल रिझर्व्ह व्याजदरात कपातींनंतर रूपयात भलताच दबाव निर्माण झाला. ज्याचा फटका अद्यापही दिसत आहे. युएस FOMC पतधोरण समितीने २५ बेसिस पूर्णांकाने कपात केल्यानंतर व्याजदर ३.५० ते ३.७५% पातळीवर पोहोचवला पण त्यानंतर विशेषतः डॉलर मधील दबाव कमी झाल्याने डॉलर निर्देशांकात सातत्याने वाढ होत असून सोन्यात स्थिरता व चांदीत जबरदस्त तेजी अशी त्रिकोणी परिस्थिती बाजारात निर्माण झाली. त्याचीच पुनरावृत्ती झाल्याने आजही डॉलर निर्देशांकात वाढ झाल्याने डॉलर तुलनेत रूपया आणखी ९०.५६ रूपये पातळीवर घसरला आहे.
दरकपात झाल्याने रूपयातील दबाव आजही वाढला. प्रामुख्याने परदेशी संस्थात्मक गुंतवणूकदारांनी डॉलरमध्ये मोठ्या प्रमाणात खरेदी वाढवल्याने मागणी वाढली आहे व रूपयाचे अवमूल्यन मोठ्या प्रमाणात सुरु आहे. त्यामुळे आज रूपयाने हा नवा निचांकी पातळी (All time Low) गाठली आहे.
याचे आणखी एक कारण म्हणजे युएस व भारतातील द्विपक्षीय करार (Bilateral Free Trade Agreement FTA) यामधील खात्रीलायक वृत्त अद्याप आले नसल्याने शेअर बाजाराप्रमाणे रूपयातही अस्थिरता कायम राहणार आहे. आधीच्या किंमतीपेक्षा सुरूवातीच्या कलात रूपया तब्बल २४ पैशाने घसरला.
एचडीएफसी सिक्युरिटीजचे संशोधन विश्लेषक दिलीप परमार यांच्या मते, नजीकच्या काळात रुपया कमकुवत राहण्याची शक्यता आहे. स्पॉट यूएसडीआयएनआर जोडीसाठी तात्काळ प्रतिकार ९०.७० वर आहे, तर महत्त्वाचा आधार ८९.७० वरून ९०.१० वर झपाट्याने सरकला आहे.सपोर्ट फ्लोअरमधील हा वरचा बदल पुष्टी करतो की नजीकच्या काळात रुपया आणखी कमकुवत होण्याच्या दिशेने भावना मोठ्या प्रमाणात नकारात्मक होऊ शकतो.' असे म्हटले आहे.