मुंबई: डिसेंबर महिना सुरू होताच एक आनंदाची बातमी आली आहे. तेल विपणन कंपन्यांनी एलपीजी गॅस सिलेंडरच्या किमती कमी केल्या आहेत. यामुळे व्यावसायिकांना दिलासा मिळाला आहे. कारण हा निर्णय व्यावसायिक गॅस सिलेंडरच्या बाबतीत घेतला गेला आहे. कमी केलेल्या नवीन किमती आजपासून लागू झाल्या आहेत. तथापि, १४.२ किलोच्या घरगुती गॅस सिलेंडरच्या किमती वाढवल्या किंवा कमी केल्या नाहीत.
आयओसीएल (इंडियन ऑइल कॉर्पोरेशन) च्या वेबसाइटवरील माहितीनुसार, १९ किलोच्या व्यावसायिक गॅस सिलिंडरची किंमत १० रुपयांपर्यंत कमी करण्यात आली आहे. मुंबईमध्ये १९ किलोच्या व्यावसायिक एलपीजी सिलिंडरची किंमत सध्या १ हजार ५४१ एवढी होती. आजपासून हा दर १० रुपयांनी घसरल्यामुळे १ हजार ५३१ रुपयांनी सिलेंडर खरेदी करता येणार आहे. तर दिल्लीमध्ये १ हजार ५८०.५० रुपये मोजावे लागणार आहेत. एलपीजी सिलेंडरबाबत सर्वाधिक महाग असलेल्या शहरात म्हणजे चेन्नईमध्ये आजपासून १ हजार ७३९.५० हा नवीन दर लागू झाला आहे.
ठाणे: राज्यातील स्थानिक स्वराज्य संस्थांच्या पहिल्या टप्प्यातील निवडणूकीच्या प्रचार तोफा आज थंडावणार आहेत. दरम्यान निवडणूक आयोगाने काल (३० ...
घरगुती गॅस सिलेंडरची किंमत
तेल विपणन कंपन्यांनी घरगुती एलपीजी सिलिंडरच्या किमतीत कोणताही बदल केलेला नाही. देशभरात १४.२ किलोच्या स्वयंपाकाच्या गॅस सिलिंडरची किंमत कायम आहे. बहुतेक शहरांमध्ये ८५० ते ९६० रुपयांच्या दरम्यान सिलेंडर आहे. राजधानी दिल्लीमध्ये, घरगुती एलपीजी सिलिंडर ८५३ ला उपलब्ध आहे, तर मुंबईत त्याची किंमत ८५२.५० आहे. लखनौमध्ये ८९०.५०, वाराणसीमध्ये ९१६.५०, अहमदाबादमध्ये ८६०, हैदराबादमध्ये ९०५ आणि पटनामध्ये ९५१ अशाप्रकारे किंमत आहे.
नोव्हेंबरच्या सुरुवातीला देखील व्यावसायिक गॅस सिलेंडरच्या किमती ५ रुपयांनी कमी करण्यात आल्या होत्या, तर सप्टेंबरमध्ये ५१ रुपयांपर्यंत कपात करण्यात आली होती. दरम्यान, ऑक्टोबरमध्ये व्यावसायिक गॅस सिलेंडरच्या किमती १६ रुपयांनी वाढवण्यात आल्या होत्या.