नगरपालिका निवडणूक पार्श्वभूमीवर प्रशासनाचे निर्देश
अलिबाग : निवडणूक खुल्या, मुक्त व निर्भय वातावरणात पार पाडण्यासाठी, तसेच संबंधित नगर परिषदा/नगरपंचायत निर्वाचन क्षेत्रामध्ये सुव्यवस्था अबाधित राहण्यासाठी जिल्हाधिकारी किशन जावळे यांनी १ ते ३ डिसेंबर २०२५ रोजी या तीन दिवशी रायगड जिल्ह्यात निवडणूक होणाऱ्या संबंधित नगर परिषदा/नगरपंचायत निर्वाचन क्षेत्रातील सर्व देशी/विदेशी किरकोळ मद्य व माडी विक्री अनुज्ञप्ती संपूर्ण दिवस मद्य विक्रीस बंद ठेवण्याचे आदेश दिले आहेत.
रायगड जिल्ह्यातील खोपोली, अलिबाग, मुरूड-जंजिरा, पेण, उरण, कर्जत, माथेरान, रोहा, श्रीवर्धन व महाड या नगर परिषदांच्या सार्वत्रिक निवडणुकींसाठी २ डिसेंबरला मतदान व ३ डिसेंबरला मतमोजणी होणार आहे. निवडणूक खुल्या, मुक्त व निर्भय वातावरणात पार पाडण्यासाठी तसेच संबंधित नगरपरिषदा/नगरपंचायत निर्वाचन क्षेत्रामध्ये कायदा व सुव्यवस्था अबाधित राहण्यासाठी जिल्हाधिकारी यांनी तिन्ही दिवशी रायगड जिल्ह्यात निवडणूक होणाऱ्या संबंधित नगर परिषदा, नगरपंचायत निर्वाचन क्षेत्रातील सर्व देशी, विदेशी किरकोळ मद्य व माडी विक्री अनुज्ञप्ती संपूर्ण दिवस मद्य विक्रीस बंद ठेवण्याचे आदेश दिले आहेत. या आदेशाची अंमलबजावणी काटेकोरपणे करावयाची असून, त्यात कसूर झाल्यास संबंधित अनुज्ञप्ती धारकांविरुद्ध कायदेशीर कारवाई करण्यात येणार आहे, तसेच महाराष्ट्र दारूबंदी कायदा, १९४९ कलम ५४ व ५६ मधील तरतुदीनुसार अनुज्ञप्ती कायमस्वरुपी रद्द करण्यात येणार आहे. १ ते ३ डिसेंबर या िदवशी जिल्ह्यातील निवडणुकांचे वातावरण संवेदनशिल असल्याने कोणताही अनुचित प्रकार होऊ नये म्हणू ही काळजी घेण्यात आली.
