मोहित सोमण: एक्सचेंज फायलिंगमध्ये मिळालेल्या माहितीनुसार, अदानी विल्मर लिमिटेडमधील उर्वरित ७% हिस्साही (Stake) अदानी समुहाने ब्लॉक डील मार्फत विकला आहे. यापूर्वी समुहाने आपला राहिलेल्या भागभांडवलापैकी १३% हिस्सा विकला तर आज उर्वरित ७% हिस्सा विकल्याने अदानी समुहाचा हिस्सा कंपनीतून जवळपास संपुष्टात आला आहे. Charles Schwab, ICICI Prudential, SBI Mutual Fund, Bandhan Mutual Fund, Tata Mutual Fund या म्युच्युअल फंड कंपन्यानी हा उर्वरित हिस्सा खरेदी केला आहे अशी प्राथमिक माहिती मिळत आहे. त्याउलट जीआयसी आपले भागभांडवल आगामी काळात आपले भागभांडवल विल्मर कंपनीतील वाढवत आपले कंपनीतील स्थान बळकट करु शकते असे प्रसारमाध्यमांना सुत्रांनी दिलेल्या माहितीत म्हटले आहे. ब्लॉक डीलमध्ये कंपनीच्या जवळपास ६.६% इक्विटीचे हस्तांतरण झाल्याने AWL स्टॉक ३.७% ने घसरून २६६.४५ रूपये प्रति शेअरवर आला.
आता भारतीय म्युच्युअल फंड हाऊसेस व्यतिरिक्त परदेशी संस्थात्मक गुंतवणूकदारही या भागभांडवलात आपला नवा हिस्सा खरेदी करत आहेत. एकट्या अदानी एंटरप्राईजेसचे वास्तव्य (Total Realisation) १५५०७ कोटी रूपये आहे. यापूर्वी कंपनीने विल्मर कंपनीतील ४४% हिस्सा राखला होता मात्र त्यातील हिस्सेदारी सातत्याने विकल्याने आता तो रद्दबादल झाला आहे. त्यामुळे मूळची सिंगापूर कंपनी विल्मरच सगळ्यात मोठी कंपनीतील हिस्सेदार असणार आहे. कंपनीची 'फॉर्च्यून' सारखी प्रसिद्ध खाद्यतेल उत्पादन आहे. रेडी टू कूकसाठी लागणारी विविध खाद्यतेल उत्पादनात कंपनी कार्यरत आहे. दरम्यान असे असले तरी कंपनीचे फंडांमेटल मजबूत स्थितीत असल्याचे विश्लेषकांचे म्हणणे आहे. गेल्या एका वर्षात AWL Agri चा शेअर १५% ने घसरला आहे, परंतु सहा महिन्यांत ३.५%, तीन महिन्यांत ३.७% आणि गेल्या महिन्यात ३% ने वाढला आहे. डिसेंबर २०२४ मध्ये हा शेअर ५२ आठवड्यांचा उच्चांक ३३७ आणि फेब्रुवारी २०२५ मध्ये ५२ आठवड्यांचा नीचांक २३१.५५ वर पोहोचला आहे.