मुंबई : शिउबाठा प्रमुख उद्धव ठाकरे यांचे निवासस्थान असलेल्या कलानगर परिसराजवळ ड्रोन उडत असल्याचे आढळले. या मुद्यावरुन शिउबाठा समर्थकांनी बोंबाबोंब करायला सुरुवात केली. पाळत ठेवण्याच्या हेतूने ड्रोनची व्यवस्था केली असल्याचा आरोप शिउबाठा समर्थकांनी केला. पण मुंबई पोलिसांच्या परवानगीने एमएमआरडीएने विशिष्ट कामासाठी ड्रोनची व्यवस्था केली असल्याची बातमी आली. ही बातमी येताच बोंबाबोंब करत असलेले शिउबाठा समर्थक तोंडावर पडले.
खेरवाडी, वांद्रे, वांद्रे - कुर्ला संकुल या भागांमध्ये ठिकठिकाणी एमएमआरडीए विविध प्रकल्पांवर काम करत आहे. या कामांशी संबंधित सर्वेक्षणासाठी ड्रोनचा वापर सुरू आहे. एमएमआरडीएने ड्रोन वापरण्यासाठी मुंबई पोलिसांकडून रितसर परवानगी घेतली आहे. मिळालेल्या परवानगीनुसार एमएमआरडीए ड्रोनचा वापर करत आहे. पण हे ड्रोन बघून काही जणांनी राजकीयदृष्ट्या लाभ घेण्याच्या हेतूने बोंबाबोंब केली. त्यांचा हा हेतू अयशस्वी झाला कारण ड्रोन बाबतचे सत्य थोड्याच वेळात जगासमोर आले. मुंबई पोलीस दलाने ड्रोन एमएमआरडीएचे आहेत आणि परवानगी घेऊनच वापरले जात आहेत, असे जाहीररित्या सांगितले. यामुळे बोंबाबोंब करणाऱ्यांची पंचाईत झाली.
ड्रोन म्हणजे काय ?
मानवरहित विमानाला (Unmanned Aerial Vehicle or UAV) अनेकजण ड्रोन (Drone) या नावाने ओळखतात. हे एक उडणारे यंत्र आहे. ड्रोनचा वापर विविध कामांसाठी केला जातो. भारतात ड्रोनचा वापर प्रामुख्याने संरक्षण विभाग, निमलष्करी दले आणि पोलीस करतात. सरकारी विभाग सर्वेक्षण, पाहणी, मोजणी, नकाशा निर्मिती अशा विविध कामांसाठीही ड्रोनचा वापर करतात.