मोहित सोमण:आगामी प्रलंबित भारत व युएस यांच्यातील बहुप्रतिक्षित करार लवकरच होईल अशी अटकळ शेअर बाजारात बांधली जात आहे. परिणामी आज शेअर बाजारात या रॅलीचा सर्वाधिक फायदा आज टेक्साटाईल शेअरला बसला आहे. सकाळच्या स त्रातील सुरुवातीला हे शेअर १६% पर्यंत उसळल्याचे दिसून आले. प्रामुख्याने भारताने युएसशी प्रस्ताव मान्य केल्यास ५०% टॅरिफ थेट १५ ते १६% पर्यंत खाली येण्याची शक्यता वर्तवली जात आहे. विशेषतः टेक्साटाईलवरील टॅरिफ ५०% वरून खाली येत १६% प र्यंत खाली येऊ शकते. त्यामुळे युएसकडून आकारण्यात आलेल्या टॅरिफमुळे सर्वाधिक नुकसान कापड उद्योगाला व कापडाच्या निर्यातीत झाले होते. त्यामुळे हा संभाव्य फायदा लक्षात घेता गुंतवणूकदारांनी शेअर बाजारात या टेक्साटाईल कंपन्यांच्या शेअर्समध्ये मोठा प्रतिसाद दिला.
विशेषतः पंतप्रधान नरेंद्र मोदी यांनी अमेरिकेचे अध्यक्ष डोनाल्ड ट्रम्प यांच्याशी संवाद साधल्यानंतर आणि दोन्ही नेत्यांनी व्यापार वाटाघाटींमध्ये चांगल्या प्रगतीचा आढावा घेतल्यानंतर राजनैतिक पातळीवर पुन्हा एकदा घडामोडींना वेग आला आहे. सकाळच्या स त्रात वेलस्पून लिविंग, इंडोकाऊंट इंडस्ट्रीज, केपीआर मिल्स, ट्रायडंट, वर्धमान टेक्सटाईल, आलोक इंडस्ट्रीज, गरवारे, रेमंड लाईफस्टाईल, अरविंद लिमिटेड या कंपन्यांच्या शेअर्समध्ये आज जबरदस्त वाढ झाली आहे. अमेरिकेने या वर्षाच्या सुरुवातीला भारतीय वस्तूंवर अतिरिक्त २५% कर लादला होता. त्यामुळे चामड्याच्या वस्तूंसह सर्वाधिक नुकसान या टेक्साटाईल क्षेत्राला झाला.विद्यमान कर दुप्पट करून ५०% केला असल्यान कापड क्षेत्रावर दबाव पडल्याने निर्यात घटली होती. आकडेवारीनुसार, भारताच्या एकूण कापड निर्यातीपैकी जवळजवळ ३०% वाटा अमेरिकेचा आहे. त्यामुळे या निर्णयाला अधिक महत्व प्राप्त झाले.
प्रस्तावित भारत-अमेरिका व्यापार करारामुळे कापड, औषधनिर्माण आणि अभियांत्रिकी उत्पादनांसह भारतीय वस्तूंसाठी मोठ्या प्रमाणात कर सवलत मिळू शकते. वाणिज्य मंत्री पियुष गोयल यांच्या अमेरिकन समकक्षांसोबतच्या अलीकडच्या बैठकींमुळे याबाब त ठोस निर्णय होण्याची शक्यता वर्तवली जात आहे. दरम्यान भारत युएसने घातलेल्या रशियन तेलाच्या खरेदीत कपात करण्याच्या अटीवर पुढील धोरण अवलंबिले जाऊ शकते. मात्र संभाव्यता लक्षात घेता आज शेअर बाजाराने टेक्साटाईल क्षेत्राला आज मोठा फायदा करून दिला आहे.