मुंबई : दिवाळी जवळ येताच सगळीकडेच साफसफाईची लगबग सुरू झाली आहे. यात सेलिब्रिटी सुद्धा मागे नाहीत. अभिनेत्री सोहा अली खान हिने नुकताच एक मजेशीर व्हिडिओ शेअर केला आहे, ज्यात ती घरात नाही तर जिममध्येच साफसफाई करताना दिसत आहे!
सोहाने आपल्या इन्स्टाग्रामवर एक व्हिडीओ शेअर केला आहे, ज्यात ती जिममध्ये एक्ससाइज करताना साफसफाई करताना दिसते. व्हिडीओमध्ये ती हातात कपडा घेऊन जिमच्या काचा वरपासून खालपर्यंत पुसताना दिसते पण हा फक्त साफसफाईचा प्रकार नाही, तर हातांच्या स्नायूंना मजबूत करण्याचाही एक भन्नाट प्रयत्न आहे असे अभिनेत्रीचे म्हणणे आहे.
इतकंच नाही, सोहाने मॉपिंगलाही एक्सरसाइजमध्ये बदललं. तिने पायाखाली कपडा ठेवून लादी साफ केली आणि त्यातून कॅलरी बर्नही केल्या. या व्हिडिओला तिने मजेशीर कॅप्शनही दिलं आहे:
"दिवाळीपूर्वी थोडी जिमची साफसफाई... आरसा पुसला, लादी साफ केली आणि सोबत कॅलरीही बर्न केल्या. एवढी हालचाल असताना व्हॅक्युम क्लीनरची काय गरज ?"
सोहा अली खानच्या कामाबद्दल बोलायचे झाल्यास तिने 2004 मध्ये ‘दिल मांगे मोर’ या चित्रपटातून बॉलिवूडमध्ये पदार्पण केलं. पुढे ती ‘रंग दे बसंती’, ‘आहिस्ता आहिस्ता’, ‘खोया खोया चांद’, ‘मुंबई मेरी जान’, ‘दिल कबड्डी’, ‘साहेब, बीवी और गैंगस्टर’ आणि ‘घायल वन्स अगेन’ यांसारख्या चित्रपटांमध्ये झळकली. ‘रंग दे बसंती’मधील तिच्या अभिनयाचं विशेष कौतुक झालं.