मोहित सोमण:आज इक्विटी बेंचमार्क निर्देशांकाची व आठवड्याची अखेर मात्र गोड झाली आहे. काही प्रमाणात मिड स्मॉल कॅप शेअर्समध्ये झालेल्या वाढीसह बँक निर्देशांकाने आघाडी घेतल्याने आज बाजारात वाढ झाली आहे. अखेरच्या सत्रात सेन्सेक्स २२३.८ ६ अंकाने व निफ्टी ५७.९५ अंकांने स्थिरावला असल्याने सेन्सेक्स ८१२०७.१७ व निफ्टी २४८९४.२५ पातळीवर स्थिरावला आहे. अखेरच्या सत्रात सेन्सेक्स बँक निर्देशांक ३३९.५३ व बँक निफ्टी २४१.३० अंकाने उसळला होता. विशेषतः वीआयएक्स अस्थिरता निर्दे शांक (VIX Volatility Index) हा २.३१% घसरल्याने बाजारातील फंडामेंटल टेक्निकलवर भारी पडल्याचे चित्र स्पष्ट झाले. अखेरच्या सत्रात निफ्टी क्षेत्रीय निर्देशांकात (Nifty Sectoral Indices) मध्ये मेटल (१.८२%), पीएसयु बँक (१.१२%), कंज्यूमर ड्युरेब ल्स (१.०९%), मिड स्मॉल आयटी टेलिकॉम (१.२३%) निर्देशांकात सर्वाधिक वाढ झाली आहे तर केवळ हेल्थकेअर (०.२२%), रिअल्टी (०.१२%),ऑटो (०.०६%) निर्देशांकात घसरण झाली आहे.
आज सुरुवातीच्या सत्रात गिफ्ट निफ्टीत वाढ होऊन देखील सुरूवातीच्या कलात मात्र व्यापक निर्देशांकात जागतिक अस्थिरतेमुळे घसरण झाली. प्रामुख्याने युएस मधील शटडाऊन, आर्थिक धोरणात्मक पेच, तज्ञांच्या मते युएस बाजारातील घसरणीकडे कल अस णारा रोजगार, वाढलेली महागाई यामुळे ही अस्थिरता कायम असली तरी आरबीआयच्या परवाच्या 'समंजस' निर्णयाचा फायदा बाजारात सलग दुसऱ्यांदा वाढीसह झाला. अखेरच्या सत्रात परदेशी संस्थात्मक गुंतवणूकदारांकडून सेल ऑफ सुरू असल्याचे चित्र अ सले तरी घरगुती पोर्टफोलिओ गुंतवणूकदारांनी आपली गुंतवणूक वाढवल्याने बाजार 'हिरव्या' रंगात बंद झाला आहे.
अखेरच्या सत्रात सर्वाधिक वाढ एजिस लॉजिस्टिक्स (११.९३%), एजिस वोपक टर्म (८.४४%), डेटा पँटर्न (७.४४%), एमएमटीसी (६.४५%), पीटीसी इंडस्ट्रीज (६.०५%), कल्याण ज्वेलर्स (५.७७%), टीबीओ टेक (५.१४%), पुनावाला फायनान्स (५.४१%), ज्योती सीएनसी ऑटो (४.८९%), लेमन ट्री हॉटेल (४.१९%), टाटा स्टील (३.४०%), फिनोलेक्स इंडस्ट्रीज (३.२५%), एल अँड टी टेक्नॉलॉजी (२.४६%), टाटा टेक्नॉलॉजी (२.४१%), हिरो मोटोकॉर्प (२.१७%), एसबीआय कार्ड (१.८७%), अँक्सिस बँक (१.८७%), रिलाय न्स पॉवर (१.७१%), सिमेन्स (१.३६%), बजाज ऑटो (०.६१%) समभागात झाली आहे.
अखेरच्या सत्रात सर्वाधिक घसरण टाटा इन्व्हेसमेंट कॉर्पोरेशन (५.४६%), सनटिव्ही नेटवर्क (४.१६%), चोला फायनांशियल सर्विसेस (३.३८%), अदानी पॉवर (३.३६%), सम्मान कॅपिटल (२.६८%), लोढा डेव्हलपर्स (२.३५%), गोदरेज इंडस्ट्रीज (२.३०%), मेट्रोपॉ लिस हेल्थ (२.१९%), बजाज होल्डिंग्स (१.१८%), टोरंट फार्मा (१.४७%), कोल इंडिया (१.३३%), जिलेट इंडिया (१.१६%), क्लीन सायन्स (१.०९%), मारूती सुझुकी (१.००%), स्विगी (०.९३%), एसबीआय लाईफ इन्शुरन्स (०.८९%),फेडरल बँक (०.७२%), एच डीएफसी लाईफ इन्शुरन्स (०.६३%) समभागात झाली आहे.
आजच्या बाजारावर विश्लेषण करताना ज्येष्ठ बाजार विश्लेषक अजित भिडे म्हणाले आहेत की,'सप्टेंबर २२०४ पासुन एक वर्ष आपला बाजार खाली येत कंसोलिडेशन करत आज १३ महीन्यात पहिल्यांदा २०० पाॅईंट अगोदर वर आला व नवीन बाॅटमकडे न जाता रि कवरी दाखवत वर येत आहे.ऑटो सेक्टरचे आकडे ऑगस्टसाठी चांगले आहेत. व्याजदर कपात अपेक्षित आहे.बँकिंग व एनबीएफसी या सेक्टर मधे अपेक्षित परिवर्तन (Reforms) रिझर्व्ह बॅक करायला तयार आहे.हे परवाच जाहीर करण्यात आल्याने बा जारात एक नवीन चैतन्य आलेले आहे. २५६००० तोडून निफ्टी कदाचित वर येईलही.पण पुढील चार महिने भारतासाठी परिक्षेचे असणार आहेत. नवीन फ्री ट्रेड करार किती होतील यावर पुढील वाटचाल अपेक्षित आहे.चीन अनेक ट्रेड बाबतीत मदतीला धावून येत अस ल्याबद्दल दिसत आहे. जागतिक पातळीवर युरोप,चीन,रशिया , यांचे स्तरावरील सहकार्य भारताला महत्त्वपूर्ण आहे.डिफेन्स क्षेत्रातील घडामोडींवर बाजार लक्ष ठेऊन आहेच, ऑर्डर आहेत पण त्या पुर्ण करणे हे आव्हानात्मक आहे. आज सर्व स्तरावर खरेदीमु ळेच बाजार वधारला.त्यात बॅंका, टाटा स्टील, लार्सन अ‍ॅण्ड टुब्रो,एसबीआय यांचा समावेश आहे.अमेरिकेत सध्या स्वतःच्या गोंधळात मग्न आहे हे जगासाठी ठीकच आहे.'
आजच्या बाजारातील परिस्थितीवर विश्लेषण करताना जिओजित इन्व्हेसमेंट लिमिटेडचे हेड ऑफ रिसर्च विनोद नायर म्हणाले आहेत की, 'रेंजबाउंड ट्रेडिंगच्या कालावधीनंतर, धातू आणि ग्राहकोपयोगी वस्तूंच्या समभागांमध्ये वाढ झाल्यामुळे बाजार सकारात्मक पातळीवर बंद झाला. ऑक्टोबरमध्ये फेडच्या संभाव्य दर कपातीबद्दल आशावाद, डॉलर कमकुवत होणे आणि स्थिर बेस मेटल किमतींमुळे धातू निर्देशांकांमध्ये तेजी आली. सुधारणा, चांगला मान्सून आणि महागाईत घट यामुळे उपभोग समभाग ते जीत आहेत, ज्यामुळे डिस्पोजेबल उत्पन्न वाढते आहे आणि मागणी वाढते आहे. मध्यम आणि स्मॉल-कॅप समभागांनी चांगली कामगिरी केली कारण गुंतवणूकदारांनी स्टॉक-विशिष्ट संधींवर लक्ष केंद्रित केले, मोठ्या कॅपच्या तुलनेत Q2FY26 च्या कमाईत वाढ हो ण्याची अपेक्षा केली. जवळच्या काळातील बाजारातील गतीला अपेक्षेपेक्षा चांगले RBI धोरण आणि सण-हंगाम टेलविंड्समुळे आणखी पाठिंबा मिळतो.'
अखेरच्या सत्रावर विश्लेषण करताना अशिका इन्स्टिट्युशनल इक्विटीजने म्हटले आहे की,'भारतीय शेअर बाजार मंदावलेल्या स्थितीत उघडले, निफ्टीने २४७५९ पातळीवर व्यवहार सुरू केला आणि सत्रात स्थिर वर जाण्यापूर्वी तो दिवसाच्या आत २४७४ ७ पातळीच्या नीचांकी पातळीवर किंचित घसरला. तांत्रिकदृष्ट्या, निर्देशांक २४८०० पातळीच्या जवळ मजबूत होत आहे आणि २५००० पातळीवर असलेल्या मानसिक प्रतिकाराला आव्हान देण्यास सज्ज असल्याचे दिसून येते. क्षेत्रनिहाय, धातू, सार्वजनिक क्षेत्राती ल बँका, ग्राहक टिकाऊ वस्तू आणि निवडक खाजगी बँकांमध्ये लक्षणीय ताकद दिसून आली, तर आरोग्यसेवा, बांधकाम, मीडिया आणि ऑटोमोबाईल्समध्ये कमकुवतपणा दिसून आला. जागतिक आघाडीवर, संभाव्य अमेरिकन सरकारच्या शटडाऊनबद्दलच्या चिंतेमुळे आणि डेमोक्रॅटिक सिनेटरने महत्त्वाच्या नोकऱ्यांच्या डेटाच्या प्रकाशनासाठी केलेल्या आवाहनांमुळे गुंतवणूकदारांची भावना सावध राहिली, ज्यामुळे बाजाराच्या दिशेने परिणाम होऊ शकतो. डेरिव्हेटिव्ह्ज विभागात, पॉवरइंडिया, नुवामा, मॅक्सहेल्थ, टा टामोटर्स आणि दिल्लीव्हरीमध्ये लक्षणीय ओपन इंटरेस्ट बिल्डअप दिसून आले.'
आजच्या बाजारातील परिस्थितीवर विश्लेषण करताना एचडीएफसी सिक्युरिटीजचे वरिष्ठ रिसर्च विश्लेषक दिलीप परमार म्हणाले आहेत की,'गेल्या काही दिवसांपासून भारतीय चलन एका मर्यादित मर्यादेत स्थिर आहे, ज्याने आठवड्याच्या सुरुवा तीला ऐतिहासिक नीचांकी पातळी गाठली होती. परदेशी गुंतवणूकदारांकडून सतत भांडवल बाहेर जाण्यामुळे रुपयाचा मूळ मूड अजूनही खाली आहे. तरीही, स्थानिक शेअर बाजारात सुधारणा आणि कच्च्या तेलाच्या किमतींमध्ये घट झाल्याने काही प्रमाणात स्थिरता निर्माण झाली आहे. नजीकच्या काळात, स्पॉट डॉलर ८८.४० रूपयांच्या जवळ चढत्या ट्रेंड लाइन सपोर्ट दर्शवितो, तर ८९.१० वर ओव्हरहेड रेझिस्टन्सचा सामना करत आहे.'
दिवसभरातील निफ्टी पोझिशनवर भाष्य करताना एलकेपी सिक्युरिटीजचे तांत्रिक विश्लेषक वत्सल भुवा म्हणाले आहेत की,'शुक्रवारच्या सत्रात निफ्टी निर्देशांकाने त्याच्या अल्पकालीन प्रतिकारापेक्षा अधिक आत्मविश्वासाने बंद झाल्यानंतर त्याची ताकद वाढवली. निर्देशांकाला त्याच्या १०० दिवसांच्या ईएमए (Exponential Moving Average EMA) जवळ २४७५० पातळीवर महत्त्वाचा आधार मिळाला आणि ५० दिवसांच्या ईएमए (EMA) जवळ मजबूत बंद झाला. डेरिव्हेटिव्ह्जच्या बाबतीत, २४८०० पातळीवर हेवी पु ट राइटिंग हा आधार बेस दर्शवितो, तर २५००० वरचा सर्वोच्च ओआय (OI) सांद्रता (Concentration) मजबूत प्रतिकार (Strong Support) क्षेत्र दर्शवितो, हे तांत्रिक चार्टवर देखील प्रमाणित केले आहे. एकूणच, निफ्टी २४७५०- २५१०० पातळीच्या सौम्य तेजी च्या श्रेणीत व्यापार करण्याची अपेक्षा आहे, ज्यामध्ये २४७५० पातळीवर आधार आणि २५०००-२५१०० पातळीवर प्रतिकार असेल.'
आजच्या बाजारातील रुपयांच्या हालचालीवर भाष्य करताना एलकेपी सिक्युरिटीजचे उपाध्यक्ष रिसर्च विश्लेषक जतीन त्रिवेदी म्हणाले आहेत की,'आरबीआय धोरण निकालानंतर रुपया ०.०७ ने किंचित कमकुवत होऊन ८८.७५ वर व्यवहार करत हो ता, जिथे कोणताही दर कपात जाहीर करण्यात आली नव्हती, परंतु ऑगस्ट एमपीसीपासून सरासरी ₹२.१ ट्रिलियन एलएएफ दैनिक अधिशेषासह, सीआरआर कपात आणि सरकारी खर्च यासारख्या सहाय्यक उपायांनी भावना स्थिर ठेवल्या. द्वि-मार्गी तरलता ऑ परेशन्सद्वारे अल्पकालीन दरांचे सक्रियपणे व्यवस्थापन करण्याच्या आरबीआयच्या आश्वासनामुळे देखील घसरणीचा दबाव कमी होण्यास मदत झाली. तथापि, अमेरिकन टॅरिफ एक मोठा ओव्हरहँग राहिला आहे, ज्यामुळे डॉलर निर्देशांक ९६-९८ च्या श्रेणीत स्थि र असूनही रुपया दबावाखाली राहिला आहे. नंतर येणारा एनएफपी डेटा असल्याने, अस्थिरता वाढू शकते आणि रुपया ८८.४५-८९.२५ च्या आत व्यापार करण्याची अपेक्षा आहे.'