ChatGPT वापरुन तयार केल्या बनावट नोटा, पोलीस कारवाईतून कळली धक्कादायक माहिती


चित्तोडगड : राजस्थानमधील चित्तोडगडमध्ये पोलिसांनी एका टोळीला पकडले आहे. या टोळीच्या सदस्यांनी ChatGPT वापरुन ५०० च्या शेकडो बनावट नोटा छापून घेतल्याचे सांगितले. ज्या भागात कोणी ओळखत नाही त्याच भागात जायचे, जाताना शक्यतो बनावट नंबरप्लेटची दुचाकी घेऊन जायचे. डोक्यावर टोपी घालून चेहरा कमीत कमी दिसेल याची काळजी घेत बनावट नोटा बाजारात खपवायच्या असा उद्योग टोळीचे सदस्य करत होते. शक्यतो दूध डेअरी, मिठाईचे दुकान, खाण्यापिण्याचे पदार्थ विकणाऱ्याचे दुकान अशा ठिकाणी थोडी खरेदी करुन थेट ५०० ची नोट द्यायची. दुकानदाराकडून सुटे पैसे घ्यायचे आणि लगेच घटनास्थळावरुन दूर निघून जायचे असे प्रकार टोळीचे सदस्य करत होते. या पद्धतीने टप्प्याटप्प्याने त्यांनी अनेक बनावट नोटा बाजारात खपवल्या होत्या.


सुरुवातीला बनावट नोटा देऊन तरुणांनी केलेली फसवणूक कोणाच्या लक्षात आली नाही. पण एका व्यक्तीने बँकेत रोख रक्कम जमा करण्यासाठी नेली त्यावेळी कोरी करकरीत नोट बनावट म्हणून बँकेच्या यंत्राने बाजुला फेकली. ही नोट थोड्या वेळापूर्वीच एका तरुणाने दिली होती त्यामुळे व्यापाऱ्याला ते आठवले. नुकसान झाले म्हणून बँकेतील अधिकाऱ्यांच्या सल्ल्याने संबंधित व्यापाऱ्याने पोलिसांना माहिती दिली. यानंतर पोलिसांनी बाजारात लक्ष ठेवण्यासाठी खबरी नेमले. खबऱ्यांनी दिलेल्या माहितीआधारे एक दिवस पोलिसांनी सापळा रचून आसिफ अली, आदिल खान आणि शाहनवाज खान या तिघांना पकडले. चित्तोडगड पोलिसांनी पकडलेल्या तिघांकडून ५०० रुपयांच्या ३० बनावट नोटा जप्त केल्या. सर्व नोटा एकाच मालिकेतील होत्या. यानंतर तरुणांची कसून चौकशी करण्यात आली. एवढ्या बनावट नोटा कुठुन आणल्या ? हा प्रश्न तरुणांना विचारण्यात आला. अखेर तरुणांनी ChatGPT वापरुन ५०० च्या शेकडो बनावट नोटा छापून घेतल्याचे सांगितले. तरुणांनी कबुली देताच पोलिसांना धक्का बसला. एआयचा वापर बनावट नोटांच्या छपाईसाठी करणे शक्य आहे याची जाणीव होताच पोलिसांना मोठा धोका लक्षात आला. घटनेची माहिती वरिष्ठ अधिकाऱ्यांना देण्यात आली.


वरिष्ठांच्या मार्गदर्शनात तरुणांची कसून चौकशी करण्यात आली. या चौकशीत तरुणांनी ChatGPT वापरुन बनावट नोटा बनवण्याचे तंत्र ऑनलाईन शिकून घेतल्याची कबुली दिली. रॅकेटचा सूत्रधार आसिफ अली याने सांगितले की, त्याने ChatGPT तसेच विविध AI प्लॅटफॉर्मचा वापर करुन बनावट नोटा छापण्याचे तंत्र अवगत केले. यानंतर अनेक व्हिडीओ बघून आणि ऑनलाईन माहिती वाचून बनावट नोटा छापण्यासाठी विशिष्ट कागद, शाई, रसायने ऑनलाईन मागवली. सगळे साहित्य वापरुन बनावट नोटा छापल्या. या नोटा डोळ्यांनी बघितल्यास बनावट असल्याचे लगेच कळत नाही पण बँकांची यंत्र या नोटा ओळखून वेगळ्या करू शकतात. यामुळेच बनावट नोटा खपवणे काही दिवस सहज शक्य झाले.


तरुणांनी झालावाड जिल्ह्यातील सारोला गावात एक खोली भाड्याने घेतली. याच खोलीत त्यांचा बनावट नोटांचा कारखाना होता. पोलिसांनी धाड टाकून खोली सील केली. खोलीतून पोलिसांनी एक प्रिंटर, विशेष कागद, शाई, रसायने, हिरवी टेप, साचे आणि वॉटरमार्क तयार करण्यासाठी वापरली जाणारी एक लाकडी चौकट जप्त केली. या प्रकरणात पुढील कायदेशीर कारवाई सुरू आहे.



Comments
Add Comment

ICICI Bank Q2Results: देशातील क्रमांक दोन खाजगी बँकेचा तिमाही निकाल जाहीर विश्लेषकांचा भाकीताला मागे टाकत बँकेच्या निव्वळ नफ्यात ५.२% वाढ

मोहित सोमण: देशातील क्रमांक दोन खाजगी बँक म्हणून ओळख असलेल्या आयसीआयसीआय बँकेचा तिमाही निकाल जाहीर झाला आहे.

Vittal Mandir : वारकऱ्यांचा संताप अनावर! पंढरपूरच्या विठ्ठल मंदिरात कर्मचाऱ्यांच्या दिवाळी भेटीत 'चिकन मसाला'; बीव्हीजी कंपनी अडचणीत

पंढरपूर : महाराष्ट्राचे आराध्य दैवत असलेल्या पंढरपूरच्या श्री विठ्ठल-रुक्मिणी मंदिरात कर्मचाऱ्यांना देण्यात

HDFC Bank Q2 Results: देशातील सर्वात मोठ्या खाजगी बँकेचा निकाल जाहीर HDFC Bank निव्वळ नफ्यात थेट १०.८% वाढ

मोहित सोमण:देशातील सर्वात मोठी खाजगी बँक म्हणून ओळखल्या जाणाऱ्या एचडीएफसी बँकेने आपला आर्थिक निकाल जाहीर केला

Govind Barge Death : माजी उपसरपंच बर्गे मृत्यू प्रकरणात मोठी बातमी, नर्तिका पूजा गायकवाडच्या अडचणी वाढल्या; यंदाची दिवाळीही...

बीड : बीडमधील लुखामसला गावचे माजी उपसरपंच गोविंद बर्गे (Govind Barge) यांच्या आत्महत्या प्रकरणामुळे संपूर्ण राज्यात एकच

Brahmaputra Apartment Fire : खासदारांच्या 'ब्रह्मपुत्रा अपार्टमेंट'च्या पार्किंगला भीषण आग, अग्निशमन दलाच्या १२ गाड्या घटनास्थळी

नवी दिल्ली : नवी दिल्लीतील विश्वंभरदास मार्गावर असलेल्या ब्रह्मपुत्रा अपार्टमेंटमध्ये (Brahmaputra Apartment) आज सकाळी भीषण

लवकरच फरार मेहुल चौक्सीच्या मुसक्या आवळणार? भारत सरकारला प्रत्यार्पणासाठी 'हे' मोठे यश

प्रतिनिधी: लवकरच फरार उद्योगपती मेहुल चौक्सी भारतात परतणार का या अटकळी सुरू झाल्या आहेत. भारत सरकारने