आजपासून आदिमायेचा जागर, बाजारांमध्ये खरेदीसाठी गर्दी


मुंबई : आज घटस्थापना. घट बसले. पूजा झाली. सोमवारी संध्याकाळी गरबा आणि दांडिया नाईटनं सार्वजनिक मंडळांमध्ये नवरात्रौत्सवाची औपचारिक सुरुवात होणार आहे. आदल्या दिवशी रविवारची सुटी आल्यामुळे नवरात्री निमित्त खरेदी करणाऱ्यांची ठिकठिकाणच्या बाजारांमध्ये गर्दी झाली होती. सार्वजनिक मंडळांनी रविवारी तयारीवर अखेरचा हात फिरवला. अनेक ठिकाणी पावसानं विश्रांती घेतल्यामुळे रविवारी संध्याकाळीच अनेक सार्वजनिक मंडळांनी देवीची मूर्ती वाजतगाजत मंडपांमध्ये आणली आहे.


नवरात्रीच्या काळामध्ये अनेक घरांमध्ये घटही बसतात. याच्या तयारीसाठी स्थानिक बाजारांमध्ये रविवारी घटांसह माती, नवरात्रीमध्ये पेरली जाणारी धान्ये विक्रीसाठी उपलब्ध होती. या वस्तूंच्या खरेदीसाठी गर्दी उसळली होती. फुल बाजारात झेंडू १५० रुपयांपासून पुढे आणि शेवंती १०० रुपयांपासून पुढे दर्जानुसार उपलब्ध आहे.


मुंबादेवी मंदिरात पहाटे साडेपाचपासूनच दर्शनासाठी रांगा दिसत होत्या. मंदिरात सकाळी घटस्थापना झाली. मुंबईतील विविध मंडळांमध्ये आजपासून दुर्गेची आराधना सुरू झाली आहे. नवरात्रौत्सवाच्या निमित्नाने आता पुढचे १० दिवस गरबा, दांडिया, भोंडल्याच्या गाण्यांवर मुंबईकर फेर धरताना दिसतील.


सोमवारसाठी मुंबई, ठाणे, पालघर तसेच रायगड जिल्ह्यामध्ये तुरळक ठिकाणी मेघगर्जनेसह पावसाची शक्यता हवामान विभागाने व्यक्त केली आहे. रत्नागिरी, सिंधुदुर्गमध्ये मेघगर्जनेसह पावसाची शक्यता हवामान विभागाने वर्तविली आहे. मंगळवार ते गुरुवार दरम्यान मुंबई आणि आसपासच्या शहरांमध्ये हलक्या ते मध्यम स्वरुपाच्या पावसाची शक्यता आहे. रायगड, रत्नागिरी, सिंधुदुर्ग जिल्ह्यांमध्ये मंगळवारी आणि बुधवारी मेघगर्जनेसह पावसाची शक्यता आहे. गुरुवारी रायगड आणि रत्नागिरीमध्ये तुरळक ठिकाणी मुसळधार पावसाची शक्यता आहे.


Comments
Add Comment

२०२६ मधील सार्वजनिक सुट्ट्या जाहीर; जाणून घ्या कोणत्या दिवशी राहणार सरकारी कार्यालये बंद?

मुंबई : काहीच दिवसांत २०२५ वर्ष निरोप घेईल आणि नवीन वर्षाची सुरुवात होईल. याच पार्श्वभूमीवर राज्य सरकारने २०२६

मुंबईतील १६ भूखंडांचा ई लिलाव होणार

शाळा, रुग्णालय आणि इतर सुविधांसाठी राखीव भूखंडांचा समावेश मुंबई : म्हाडाच्या मुंबई मंडळाने नुकतीच मुंबईतील

अपात्र गिरणी कामगारांनाही म्हाडाची घरे मिळणार!

कागदपत्रांची पूर्तता करण्यासाठी ३१ डिसेंबरपर्यंत मुदत मुंबई : कागदपत्रांमधील त्रुटीमुळे म्हाडाचे घर

Mumbai Megablock : प्रवाशांनो लक्ष द्या! मेगाब्लॉकमुळे मुंबई लोकलच्या वेळापत्रकात मोठा बदल; तुमच्या प्रवासाचे नियोजन बदला!

मुंबई : मुंबईकरांची जीवनवाहिनी असलेल्या मुंबई लोकलच्या प्रवाशांसाठी एक अत्यंत महत्त्वाची बातमी समोर येत आहे.

वायू प्रदूषण हे मुंबईतील सर्वांत गंभीर नागरी आव्हानांपैकी एक

मुंबई (विशेष प्रतिनिधी) - 'वायू प्रदूषण हे मुंबईसमोर उभ्या असलेल्या सर्वात गंभीर नागरी आव्हानांपैकी एक आहे.

मालाड रामबागमधील अनेक वर्षांपासूनचा अंधार झाला दूर

रस्त्याच्या विकासासह पिण्याचे पाणी, तुंबणाऱ्या पाण्याचीही मिटली समस्या स्थानिक नगरसेविका योगिता कोळी यांच्या