नवी दिल्ली : मुंबईमध्ये राहणाऱ्या अंकुश गोयल याने भारतातील पहिला आयफोन १७ प्रो मॅक्स खरेदी करण्याचा मान मिळवला आहे. रेकॉर्डमुळे सध्या तो चर्चेत आहे. अॅपल कंपनीची आयफोन १७ प्रो मॅक्स स्मार्टफोन खरेदी करण्यासाठी तो रात्रभर जेवण आणि पावर बँक घेऊन मुंबईतील ॲपलच्या बीकेसी स्टोअरबाहेर उभा राहिला होता.
दरवर्षी ॲपलच्या नवीन आयफोनच्या लाँचवेळी देशभरात मोठी गर्दी दिसून येते. मात्र, मुंबईतील ॲपल स्टोअरबाहेर दिसलेली क्रेझ यावर्षी लक्षवेधी ठरली. या गर्दीतूनच २६ वर्षीय अंकुश गोयलचे नाव समोर आले. मिळालेल्या माहितीनुसार, मार्केटिंग प्रोफेशनल असलेला अंकुश हा आयफोन १६ आणि १५ सिरीजचा देखील भारतातील पहिला ग्राहक ठरला होता. अमेरिका आणि इतर देशांमध्ये आयफोन लाँचच्या वेळी दिसणाऱ्या उत्साहानेच त्याला प्रेरणा मिळाल्याचे त्याने सांगितले.
गुरुवार रात्रीपासूनच अंकुशने ॲपल स्टोअरबाहेर आपली जागा पकडली. सोबत जेवणाचा डबा आणि मोबाइल चार्ज करण्यासाठी पॉवर बँक होती. तासनतास रांगेत उभे राहिल्यानंतर, सकाळी त्याने सर्वात आधी २५६जीबी स्टोरेज असलेला आयफोन १७ प्रो मॅक्स खरेदी केला. आयफोनला घेऊन असलेले त्याचे हे वेड पाहून अनेकांना आश्चर्य वाटले. अंकुशचे हे कृत्य सोशल मीडियावरही चांगलेच चर्चेत आले आहे.