ChatGPTमागचं भयानक सत्य! पुन्हा येऊ शकते कोरोनासारखी महामारी? Sam Altman च्या वक्तव्यामुळे जगभरात खळबळ!

AI चॅटबॉट ChatGPT तयार करणाऱ्या OpenAI कंपनीचे मुख्य कार्यकारी अधिकारी (CEO) सॅम ऑल्टमॅन हे त्यांच्या विधानांमुळे नेहमीच चर्चेत असतात. कृत्रिम बुद्धिमत्ता (AI) या तंत्रज्ञानावर सतत मतप्रदर्शन करणारे ऑल्टमॅन अनेकदा अशा विधानांची उधळण करतात की ज्यामुळे जगभरात चिंता आणि चर्चेचं वातावरण निर्माण होतं. ऑल्टमॅन यांचं ठाम मत आहे की, AI जितका मानवजातीसाठी फायदेशीर आहे, तितकाच तो धोकादायक ठरू शकतो. ही द्विधा भूमिका ते नेहमीच मांडतात. त्यामुळंच त्यांच्या वक्तव्यांकडे जागतिक स्तरावर लक्ष वेधलं जातं. आता पुन्हा एकदा त्यांनी केलेलं विधान चर्चेत आलं आहे. विशेष म्हणजे यावेळीसुद्धा त्यांचं मत AIचा धोका आणि संधी याच्याशी संबंधित असल्याने तज्ज्ञ आणि नागरिकांमध्ये उत्सुकता निर्माण झाली आहे.



सॅम ऑल्टमॅन यांचा धक्कादायक इशारा


OpenAI चे CEO आणि ChatGPTचे निर्माते सॅम ऑल्टमॅन यांनी पुन्हा एकदा संपूर्ण जगाचं लक्ष वेधून घेतलं आहे. त्यांनी केलेल्या नव्या वक्तव्यामुळे आंतरराष्ट्रीय पातळीवर चिंता वाढली आहे. ऑल्टमॅन यांनी इशारा दिला आहे की, ChatGPT सारख्या AI मॉडेल्सचा गैरवापर करून कोरोनासारख्या एखाद्या नव्या महामारीची निर्मिती होऊ शकते. त्यांच्या मते, हे मॉडेल्स बायोलॉजीच्या क्षेत्रात अत्यंत उपयोगी ठरत आहेत. मात्र, हाच उपयोग चुकीच्या पद्धतीने केला गेला तर त्याचे परिणाम मानवजातीसाठी धोकादायक ठरू शकतात. त्यांनी स्पष्ट केलं की, “AI ही दोन धारी तलवार आहे. एका बाजूला ती संशोधन आणि औषधनिर्मितीमध्ये क्रांतिकारक बदल घडवू शकते, तर दुसऱ्या बाजूला तिचा वापर करून कोणीतरी महामारीसारखा मोठा धोका निर्माण करू शकतो.” यामुळे जगभरातील वैज्ञानिक आणि धोरणकर्त्यांमध्ये या विषयावर गंभीर चर्चा सुरू झाली आहे..




AIमुळे कोरोनासारखी महामारी तयार होऊ शकते”- सॅम ऑल्टमॅन


आर्टिफिशियल इंटेलिजेंस (AI) च्या प्रगतीमुळे जगभरात संधी आणि धोके या दोन्ही गोष्टींबाबत चर्चा सुरू आहे. अशातच OpenAI चे CEO सॅम ऑल्टमॅन यांनी एका शोमध्ये दिलेलं वक्तव्य खळबळजनक ठरलं आहे. शोदरम्यान ऑल्टमॅन यांना प्रश्न विचारण्यात आला होता की, “AI मधील अशी कोणती कमतरता आहे ज्यामुळे आपण चिंतेत आहात?” या प्रश्नाला उत्तर देताना त्यांनी सांगितलं की, “AI चा वापर करून कोरोनासारखी महामारी निर्माण केली जाऊ शकते. आणि हाच मुद्दा मला सर्वाधिक चिंतेत टाकतो.” त्यांनी पुढे स्पष्ट केलं की, या विषयावर सतत जागतिक स्तरावर चर्चा होत आहे. मात्र, केवळ धोक्याबद्दल बोलणं पुरेसं नाही; तर हा धोका प्रत्यक्षात कसा टाळता येईल यावर गंभीरपणे उपाययोजना करणं तितकंच महत्त्वाचं आहे. ऑल्टमॅन यांच्या या विधानामुळे पुन्हा एकदा AI च्या भविष्यातील सुरक्षिततेबाबत वादंग पेटले आहेत.

Comments
Add Comment

टाटा मिस्त्री वादावर पडदा पडणार? मेहली मिस्त्री यांना टाटा समुहाकडून नवा ऑफरयुक्त प्रस्ताव !

मोहित सोमण: टाटा समुहातील वाद थांबत नसताना एक नवे नाट्यमय वळण समुहाला लागले आहे. प्रामुख्याने मेहली मिस्त्री

Mumbai-Pune Express Way : मुंबई-पुणे प्रवास होणार सुपरफास्ट! एक्स्प्रेस वे आता 'दहा पदरी' करण्याचा MSRDCचा मोठा निर्णय, असा असणार 'मास्टर प्लॅन'

मुंबई : मुंबई आणि पुणे या दोन प्रमुख शहरांदरम्यानचा प्रवास आता अधिक जलद आणि सुरळीत होणार आहे. मुंबई-पुणे

Satara Crime: CM फडणवीसांची ‘डायरेक्ट अ‍ॅक्शन’! साताऱ्यातील बलात्कारी PSI गोपाल बदने निलंबित, SP दोशी म्हणाले, “कायद्यापुढे...

सातारा : सातारा जिल्ह्यातील फलटण उपजिल्हा रुग्णालयातील (Phaltan Sub District Hospital) महिला डॉक्टरच्या आत्महत्येच्या (Suicide)

काल २०% अप्पर सर्किटवर तर आज १४% उसळलेला Epack Prefab शेअर 'या' दोन कारणांमुळे चर्चेत

मोहित सोमण:नुकत्याच जाहीर केलेल्या तिमाही निकालासह बँक ऑफ अमेरिकेने (BoFA) केलेल्या खरेदीच्या ब्लॉक डीलमुळे आज

मुंबईतील स्ट्रीट फर्निचरच्या कंत्राट कामांना बोनस, आणखी वाढवून दिली एवढ्या कोटींची रक्कम

मुंबई (सचिन धानजी) : मुंबई महापालिकेच्या प्रशासकांच्या काळात मंजूर झालेल्या वादग्रस्त स्ट्रीट फर्निचरची कामे

Carbide Gun Causes : खेळणं की 'घातक शस्त्र'? दिवाळीचा आनंद अंधारात! १५० रुपयांच्या कार्बाइड गनने १४ चिमुकल्यांची दृष्टी हिरावली

जबलपूर : यावर्षी अनेक घरांसाठी दिवाळीचा सण आनंद नव्हे, तर दुःख आणि मोठी चिंता घेऊन आला आहे. याचे कारण म्हणजे