प्रतिनिधी:भारतातील सर्वात मोठी पब्लिक सेक्टर बँक म्हणून ओळखली जाणाऱ्या स्टेट बँक ऑफ इंडियाने मंगळवारी त्यांच्या नुकत्याच जारी केलेल्या $500 दशलक्ष रेग्युलेशन एस बाँड्सची गिफ्ट सिटी (Gift City) येथील एनएसई इंटरनॅशनल एक्सचेंज (NS E IEX) येथे सूचीबद्ध (Listing) होण्याची घोषणा केली आहे‌हे बाँड्स एनएसई-आयएक्स येथे ४.५०% कूपन दराने जारी करण्यात आले. सिंगापूर एक्सचेंज सिक्युरिटीज ट्रेडिंग लिमिटेड (एसजीएक्स-एसटी) वर लिस्टिंगसाठी मंजूर झालेल्या या बाँडची किंमत बें चमार्कपेक्षा 75 बीपीएसच्या (बेसिस पूर्णांकाने) स्प्रेडवर आहे, असे बँकेने प्रसिद्ध केलेल्या प्रसिद्धीपत्रकात म्हटले आहे.रेग्युलेशन एस बाँड्सना एस अँड पी कडून बीबीबी आणि फिच कडून बीबीबी- क्रेडिट रेटिंग मिळाले आहे.बाँडस सूचीबद्ध होण्याच्या प्रक्रियेवर बोलताना,'$500 दशलक्षचे यशस्वीरित्या जारी करणे हे एसबीआयच्या बाँड्ससाठीच्या तीव्र इच्छाशक्तीचे प्रतीक आहे. हे जागतिक गुंतवणूकदारांचा भारताच्या वाढीच्या कथेवर आणि बँकेच्या क्रेडिट गुणवत्तेवर विश्वास दर्शवते' असे एसबीआयचे व्यवस्थापकीय संचालक राम मोहन राव अमारा म्हणाले.एनएसई-आयएक्स येथे लिस्टिंगमुळे बाजारपेठेतील दृश्यमानता (Visibility) वाढते आणि गिफ्ट सिटी इकोसिस्टमला एक विकसित होत जाणारे आंतरराष्ट्रीय वित्तीय केंद्र म्हणून मजबूत करण्याच्या एसबीआयच्या वचन बद्धतेला बळकटी मिळते, असेही त्यांनी पुढे आपल्या निवेदनात म्हटले आहे.
उपलब्ध माहितीनुसार, आर्थिक वर्ष २०२५ मधील सप्टेंबरपर्यंत एसबीआयचा ठेवींचा आधार ५४.७३ लाख कोटी रुपयांपेक्षा जास्त आहे, ज्यामध्ये कासा ठेवी गुणोत्तर (Current Account to Saving Account CASA) ३९.३६% आहे आणि आगाऊ गुणोत्तर (Ad vance) ४२.५४ लाख कोटी रुपयांपेक्षा जास्त आहे. ज्यामध्ये सर्वाधिक प्रमाण गृहकर्ज आणि वाहन कर्जांमध्ये बँकेचा बाजार हिस्सा अनुक्रमे २७.७ % आणि १९.०३% आहे. बँकेचा गृहकर्ज पोर्टफोलिओ ८.५ लाख कोटी रुपयांपेक्षा जास्त झाला आहे.
एसबीआयने अलीकडेच रिझर्व्ह बँक ऑफ इंडिया (आरबीआय) ला बँकांना अधिग्रहणांना निधी देण्याची परवानगी देण्याची विनंती केली होती. सध्या, भारतीय बँकांना विलीनीकरण आणि अधिग्रहणांसाठी पैसे कर्ज देण्याची परवानगी नाही. त्यामुळे एसबीआयने हे धोरणात्मक पाऊल उचलले.एकत्रितपणे १२ सार्वजनिक बँकांनी आर्थिक वर्ष २६ च्या एप्रिल-जून तिमाहीत (Q1) ४४२१८ कोटी रुपयांचा विक्रमी नफा कमावला, जो मागील वर्षीच्या याच कालावधीच्या इयर ऑन इयर बेसिसवर तुलनेत ११% वाढला आहे. यातील ४३ टक्के योगदान एसबीआयने दिले ज्याचा निव्वळ नफा (Net Profit ) १९१६० कोटी रुपयांचा होता.