मोहित सोमण:अमानता हेल्थकेअर लिमिटेड (Amanta Healthcare Limited)शेअर आज १२.५०% प्रिमियम दराने शेअर बाजारात सूचीबद्ध (Listed) झालेला आहे. त्यामुळे शेअरची किंमत पहिल्या दिवशी १४१.७५ रूपये प्रति शेअरसह स्थिरावली आहे. सकाळच्या सत्रात सुरुवातीला कंपनीचा शेअर ७% हून अधिक प्रिमियम दरात सूचीबद्ध झाला होता. शेअरची इश्यू किंमत १२६ रू पये प्रति शेअरसह निश्चित करण्यात आली होती. एक कोटी इक्विटी शेअरसह १२६ कोटींचा आयपीओ (IPO) बाजारात दाखल झाला होता. १ ते ३ सप्टेंबर कालावधीत हा आयपीओ बाजारात दा खल झाला होता. कंपनीने आपल्या आयपीओसाठी १२० ते १२६ रूपये प्राईज बँड निश्चित केला होता.
कंपनीच्या आयपीओला सगळ्या श्रेणीतील गुंतवणूकदारांकडून चांगला प्रतिसाद मिळाला होता. आयपीओपूर्वी कंपनीने ३७.८ कोटींची गुंतवणूक अँकर गुंतवणूकदारांकडून मिळवली होती. १९९४ मध्ये स्थापन झालेली अहमदाबाद-स्थित अमांता हेल्थकेअर ही कंपनी आयव्ही फ्लुइड्स, नेत्ररोग द्रावण (Ophthalmic Solution), डायल्युएंट्स आणि श्वसन काळजी उत्पादने यासारख्या निर्जं तुक द्रव फॉर्म्युलेशनमध्ये विशेषज्ञ आहे. कंपनी तिच्या वैद्यकीय उपकरण पोर्टफोलिओ अंतर्गत सिंचन द्रावण, प्रथमोपचार उत्पादने आणि डोळ्यांचे वंगण (Eye Lubricants) देखील तयार करते.