भाजप नेत्या नवनीत राणा फेस्टिव्ह मूडमध्ये! गणेश मंडळ आरतीमध्ये वाजवला ढोल

अमरावती: सध्या गणेशोत्सवाची (Ganeshotsav 2025) प्रचंड धामधूम महाराष्ट्रभर पहायला मिळत आहे.  अनेक सेलिब्रिटी आणि राजकारणी लोकं देखील गणेशोत्सवाच्या आरती आणि मिरवणुकीत बेभान होताना पाहायला मिळतात. असेच काहीसे दृश्य अमरावती येथे पाहायला मिळाले. अमरावती येथील गणेशोत्सवानिमित्त अमरावतीच्या माजी खासदार आणि भाजप नेत्या नवनीत राणा (Navneet Rana) यांचा एक वेगळाच अंदाज यानिमित्ताने सर्वांसमोर आला. अष्टविनायक गणेश मंडपात दर्शन करताना त्यांनी तेथील आरतीचा आनंद घेताना, ढोलवादनाचा आनंद लुटला. त्यांचा हा व्हिडिओ सोशल मीडियावर वेगाने व्हायरल होत आहे.

माजी खासदार आणि भाजप नेत्या नवनीत राणा यांचा फेस्टिव्ह मूड सध्या ऑन आहे. इतरांप्रमाणे त्या देखील गणेशोत्सवाचा आनंद घेताना दिसून येत आहे. दरम्यान, अमरावतीच्या नवसारीतील जवाहर नगर येथील अष्टविनायक गणेश मंडपात त्या दर्शनासाठी गेल्या होत्या. त्यावेळी मंडळात पूजा आणि आरती सुरू होती. ढोल-ताशांचा गजर आणि गणपतीची आरती या भक्तीमय वातावरणामुळे मंडळामधील वातावरण उत्साही झाले होते. त्यामुळे, नवनीत राणा स्वतःला रोखू शकल्या नाहीत आणि त्या थेट ढोल पथकात सामील झाल्या.



नवनीत राणा यांनी ढोलाच्या तालाशी लय जुळवत संपूर्ण उत्साहाने ढोल वाजवला. त्यांची ही वेगळी बाजू पाहून मंडळामध्ये उपस्थित असलेले सर्वजण  उत्साहित झाले. कार्यकर्त्यांनीही टाळ्या वाजवून त्यांच्यासोबत गणेश आरतिचा आनंद घेतला.

नवनीत राणा यांचा ढोल वाजवण्याचा हा व्हिडिओ सोशल मीडियावर वेगाने व्हायरल झाला आहे. गणेशोत्सव हा महाराष्ट्राच्या सांस्कृतिक आणि धार्मिक वारशाचे प्रतीक आहे, ज्यामध्ये सामान्य लोक, नेते आणि कलाकार देखील पूर्ण भक्तीने सहभागी होतात. अशा प्रसंगी नेत्यांचे जनतेमध्ये येणे-जाणे सामान्य आहे, परंतु नवनीत राणा यांच्या ढोल वाजवण्याच्या अनोख्या शैलीवर अमरावतीकर प्रचंड खुश झालेले दिसून येत आहे.

सोशल मीडियावरील लोकांना हा व्हिडिओ आवडला आहे. अनेक युजर्सनी यावर सकारात्मक प्रतिक्रिया देताना म्हंटले की, नेत्यांनी अशा प्रकारे थेट जनतेशी जोडले पाहिजे. थोडक्यात काय नवनीत राणा यांच्या ढोल वादनाने अमरावतीकरांचे मन जिंकले.
Comments
Add Comment

वैमानिकाच्या सतर्कतेमुळे मोठे संकट टळले! नागपूरहून उड्डाण केलेल्या विमानाला धडकला पक्षी...

नागपूर: नागपूरहून दिल्लीला निघालेल्या एअर इंडियाच्या विमानावरील मोठे संकट टळले. विमानाने उड्डाण करताच

अजून काय हवं! चित्रपटाचा टिझर चक्क संस्कृत भाषेत, ‘अभंग तुकाराम’ चित्रपटासाठी चाहत्यांची अनोखी भेट

कलांचा आस्वाद घेत रसिकही दाद देऊन एकप्रकारे त्या कलाकृतीला पूर्णत्वच देत असतो. सगळेच कलाकार होऊ शकत नाहीत पण

आता एक नाही तर चारजणांना करू शकता नॉमिनी, १ नोव्हेंबरपासून बॅंकेचा नियम होणार लागू

बॅंकेमध्ये आता एकाऐवजी चार जणांना नॉमिनी म्हणून जोडता येणार असल्याची मोठी घोषणा अर्थ मंत्रालयाकडून करण्यात

ऑस्ट्रेलियाच्या भारताविरुद्धच्या एकदिवसीय टी-२० संघात मोठे फेरबदल! ग्लेन मॅक्सवेल आणि बेन ड्वार्शुइस अखेरच्या टप्प्यात संघात परतणार

मुंबई: भारताविरुद्धच्या तिसऱ्या आणि शेवटच्या वनडेसह आगामी टी-२० मालिकेसाठी ऑस्ट्रेलियाने आपल्या संघात अनेक

‘एमयुएचएस’ च्‍या कुलगुरूपदी डॉ. अजय चंदनवाले

नाशिक : राज्‍य शासनाने वैद्यकीय शिक्षण व संशोधन विभागाचे संचालक डॉ. अजय चंदनवाले यांची नियुक्‍ती ‘महाराष्‍ट्र

दोन वर्षीय चिमुकलीवर गुन्हा दाखल; पोलिसांवर प्रश्नचिन्ह

कल्याण : कल्याणनजीक असलेल्या मोहने येथे फटाके फोडण्याच्या वादातून काल दोन गटात झालेल्या राड्याप्रकरणी एका दोन