प्रतिनिधी:सेबीकडून ब्लॉक डील सौद्यांतील नियमावलीत बदल करण्यात आले आहेत. नवीन माहितीनुसार, आता ब्लॉक डीलची किमान मर्यादा १० कोटींवरून २५ कोटींवर करण्यात आली आहे. त्यामुळे दोन कंपन्यांतील मोठे व्यवहार आता मोठ्या मूल्यांकनात होऊ शकतात. आता ब्लॉक डील दिवसातून दोन वेळा विशेष १५ मिनिटांच्या कालावधीत होणार असल्याचे सेबीने स्पष्ट केले आहे. सेबीने वेळोवेळी केलेल्या नियमावलीनुसार हे व्यवहार होतील असे सेबीने यावेळी स्पष्ट केले आहे. परिपत्रकातील माहितीनुसार, दि वसातील दोनदा विशेष १५ मिनिटे सत्रात हे ब्लॉक डील होतील ज्याचे मूल्यांकन किमान २५ कोटी रूपये असेल. हे व्यवहार असतील ते डिलिव्हरी (Stock Delivery) माध्यमातून असतील ते स्क्वेअर ऑफ किंवा रिव्हर्स करता येणार नाहीत असेही सेबीने आपल्या आदेशात म्हटले आहे. एक्सचेंजला या ब्लॉक डीलची माहिती संबंधित कंपन्यांनी देणे बंधनकारक असेल ज्यामध्ये ग्राहकांचे नाव, स्क्रिपचे नाव, शेअरची खरेदी विक्री संख्या, व्यवहारातील प्रति शेअर किंमत या सगळ्याची इत्यंभूत माहिती एक्सचेंजला देणे बंधनका रक असेल असे सेउच्च मर्यादेसोबतच, सेबीने अशा व्यवहारांसाठी किंमत यंत्रणेचा आढावा घेण्याचा प्रस्ताव दिला आहे.
नॉन-डेरिव्हेटिव्ह स्टॉकसाठी किंमत पट्टा ३ टक्क्यांपर्यंत वाढवण्याचा विचार केला जात आहे, तर फ्युचर्स आणि ऑप्शन्स (F&O) स्क्रिपसाठी सध्याचा १% बँड कायम ठेवला आहे. या हालचालीमुळे बाजारातील फेरफारचा धोका कमी होण्याची अपेक्षा तज्ज्ञांकडून व्यक्त केली जात आहे. सध्या, मागील दिवसाच्या बंद किंमतीच्या दोन्ही बाजूंना फक्त १% बँडमध्ये व्यवहार करता येतात. माहितीनुसार, या ब्लॉक डील व्यवहाराची विंडो सकाळी ८.४५ ते ९ वाजेपर्यंत खुली असणार आहे. दुपारी २.०५ ते २.२० पर्यंत ही विंडो खुली राहील.
सेबी अँक्शन मोडवर!
सेबीने गुंतवणूकदारांना एक सल्लागार दिला होता ज्यामध्ये त्यांनी सोशल मीडिया संदेश, व्हॉट्सअँप ग्रुप, टेलिग्राम चॅनेल किंवा परदेशी पोर्टफोलिओ गुंतवणूकदार (एफपीआय) किंवा परदेशी संस्थात्मक गुंतवणूकदार (एफआयआय) द्वारे शेअर बाजार प्रवेश दे ण्याचा दावा करणाऱ्या अँप्सशी व्यवहार करताना सावधगिरी बाळगण्याचे आवाहन केले होते.सेबीने शुक्रवारी एका प्रेस नोटमध्ये म्हटले होते की,'या योजना फसव्या आहेत आणि त्यांना सेबीची मान्यता नाही.संस्थात्मक ट्रेडिंग अकाउंट्स, सवलतीच्या किमतीत आ यपीओ, हमी आयपीओ वाटप, अँकर बुकमध्ये सहभागी होण्याची क्षमता, सवलतीच्या किमतीत ट्रेड ब्लॉक करणे यासारख्या दाव्यांपासून सावध रहा.' याशिवाय निवेदनात म्हटले गेले आहे की, सेबी (परदेशी पोर्टफोलिओ गुंतवणूकदार) नियम, २०१९ मध्ये नमूद केल्याप्रमाणे मर्यादित अपवाद वगळता, एफपीआय गुंतवणूक मार्ग निवासी भारतीयांसाठी उपलब्ध नाही.नियामकाने लोकांना गुंतवणूक करण्यापूर्वी सेबी वेबसाइटवर संस्थांची नोंदणी स्थिती नेहमीच पडताळून पाहण्यास आणि सेबी-नोंदणीकृत मध्यस्थांकडून फ क्त प्रामाणिक ट्रेडिंग अँप्स वापरण्यास सांगितले होते.