पंतप्रधान आज कर्नाटकात, नागपूर-पुणेसह तीन वंदे भारत एक्सप्रेसना दाखवणार हिरवा झेंडा

बंगळुरू : पंतप्रधान नरेंद्र मोदी आज १० ऑगस्ट रोजी कर्नाटकला भेट देणार आहेत. ते सकाळी ११ वाजता बेंगळूरु इथल्या केएसआर रेल्वे स्थानकावर ३ वंदे भारत एक्सप्रेस गाड्यांना हिरवा झेंडा दाखवतील. त्यानंतर ते बेंगळूरु मेट्रोच्या यलो लाईनला हिरवा झेंडा दाखवतील, यासोबतच ते आर.व्ही. रोड (रागीगुड्डा) ते इलेक्ट्रॉनिक सिटी मेट्रो स्थानकापर्यंत मेट्रोमधून प्रवास करणार आहेत.


आपल्या कर्नाटक भेटीत पंतप्रधान दुपारी 1 वाजता बेंगळूरुमधील शहरी दळणवळणीय जोडणीशी संबंधित अनेक प्रकल्पांचे उद्घाटन आणि पायाभरणी करणार आहेत. यासोबत ते एका सार्वजनिक कार्यक्रमाला संबोधितही करणार आहेत.


पंतप्रधानांच्या हस्ते बेंगळूरु मेट्रो फेज-2 प्रकल्पाच्या आर.व्ही. रोड (रागीगुड्डा) ते बोम्मसंद्रा या यलो लाईनचे उद्घाटनही होणर आहे. या मार्गिकेची लांबी 19 किमी पेक्षा जास्त असून, या मार्गिकेवर 16 स्थानके आहेत. या प्रकल्पासाठी अंदाजे 7,160 कोटी रुपये खर्च केला गेला आहे. यलो लाईन सुरू झाल्याने बेंगळूरुमधील मेट्रो जाळ्याचा विस्तार 96 किमीपेक्षा जास्त होणार असून, त्याचा या भागातील मोठ्या लोकसंख्येला फायदा होणार आहे.


आपल्या कर्नाटक भेटीत पंतप्रधान बेंगळूरु मेट्रो फेज-3 प्रकल्पाची पायाभरणीही करणार आहेत. या प्रकल्पासाठी 15,610 कोटी रुपये खर्च केले जाणार आहेत. या प्रकल्पाची एकूण लांबी 44 किमी पेक्षा जास्त असणार असून, या प्रकल्पाअंतर्गत 31 उन्नत स्थानके असणार आहेत. या पायाभूत प्रकल्पामुळे शहरातील वाहतुकीच्या वाढत्या गरजा पूर्ण करण्यात मदत होईल, तसेच निवासी, औद्योगिक, व्यावसायिक आणि शैक्षणिक क्षेत्र परस्परांशी जोडली जातील.


पंतप्रधान बेंगळूरु इथून 3 वंदे भारत एक्सप्रेस गाड्यांना हिरवा झेंडाही दाखवणार आहेत. याअंतर्गत बेंगळूरु ते बेळगावी, अमृतसर ते श्री माता वैष्णो देवी कटरा आणि नागपूर (अजनी) ते पुणे या गाड्यांचा समावेश आहे. या अति उच्च वेगाच्या रेल्वे गाड्यांमुळे प्रादेशिक दळणवळणीय जोडणीचा लक्षणीय विस्तार होईल, प्रवासाच्या वेळेची बचत होईल आणि प्रवाशांना जागतिक दर्जाच्या प्रवासाचा अनुभवही मिळू शकणार आहे.

Comments
Add Comment

भयंकर धक्कादायक! दिवाळीत 'कार्बाइड गन'मुळे १४ मुलांना कायमचे अंधत्व; १२५ हून अधिक जखमी!

भोपाळ : दरवर्षी दिवाळीला फटाक्यांचे वेगवेगळे ट्रेंड समोर येत असातात, यामध्ये चकरीपासून ते रॉकेटपर्यंत वेगवेगळे

सैन्यासाठी ७९,००० कोटींचे मोठे निर्णय!

नवी दिल्ली : संरक्षण मंत्री राजनाथ सिंह यांच्या अध्यक्षतेखाली झालेल्या संरक्षण अधिग्रहण परिषदेने आज भारतीय

देशभरात मतदार यादी बनवण्याचे मोठे काम सुरू!

पश्चिम बंगाल, आसाम, केरळ, पुडुचेरी, तामिळनाडूत सर्वप्रथम एसआयआर प्रक्रिया नवी दिल्ली : निवडणूक आयोगाने देशभरातील

महिला आणि ट्रान्सजेंडरसाठी मोफत प्रवास; काय आहे 'सहेली स्मार्ट कार्ड' योजना?

नवी दिल्ली : भाऊबीजच्या निमित्ताने दिल्ली सरकार महिला आणि ट्रान्सजेंडर लोकांना एक मोठी भेट देणार आहे. आजपासून

तेजस्वी यादव '४२०' आरोपी, त्यांच्याकडे विश्वासार्हताच नाही, बिहारला मोदी-नितीश यांचे 'डबल इंजिन' सरकारच हवे!; रवी शंकर प्रसाद यांचा हल्लाबोल

नवी दिल्ली: बिहार विधानसभा निवडणुकीच्या रणधुमाळीत भाजप खासदार रवी शंकर प्रसाद यांनी आज महागठबंधनचे

आता विक्रीआधी होणार प्रत्येक औषधाची सखोल तपासणी

नवी दिल्ली : लहान मुलांना खोकला झाल्यावर औषध म्हणून दिल्या जाणाऱ्या कोल्ड्रिफ कफ सिरपमुळे मध्य प्रदेशमध्ये २४