नवनीत राणांना धमकावल्याप्रकरणी पाच अटकेत

अमरावती : माजी खासदार नवनीत राणा यांना त्यांच्या इन्स्टाग्राम अकाउंटवरून अश्लील शिवीगाळ तसेच जिवे मारण्याची धमकी देणारा व्हिडीओ (रिल) पोस्ट करणाऱ्या मुख्य आरोपीसह त्याला मदत करणाऱ्या चौघांना गुन्हे शाखा पोलिसांनी अटक केली आहे.

मिळालेल्या माहितीनुसार, सहा ऑगस्ट रोजी रात्री साडेआठ वाजता Isaabhais या अकाउंटवरून धमकीचा व्हिडीओ व्हायरल करण्यात आला होता. राजापेठ पोलीस ठाण्यात या प्रकरणी गुन्हा नोंदवण्यात आला होता. धमकी देणाऱ्यांना शोधण्यासाठी पोलीस निरीक्षक संदीप चव्हाण यांच्या नेतृत्वाखालील पथकांनी अंजनगाव, परतवाडा, नागपूर, तुमसर, तिरोडा, दुर्ग व रायपूर (छत्तीसगड) येथे शोध मोहीम राबवण्यात आली.

तांत्रिक विश्लेषण आणि गुप्त माहितीच्या आधारे मुख्य आरोपी शेख ईसा शेख मुसा (वय 28, रा. पथ्रोट, ता. अंजनगाव, जि. अमरावती) यास भिलाई (छत्तीसगड) येथे पकडण्यात आले. त्याला पळून जाण्यासाठी मदत केल्याप्रकरणी त्याचा भाऊ शेख मुस्ताक शेख मुसा (वय 32, रा. पाकीजा कॉलनी, पनोट), आवसासरा मोहम्मद जाकीर शेख हसन (वय 37, रा. अंजनगाव सुर्जी) तसेच आरोपीस मिलाई येथे नेणारे ऐजाज खान अहेमद खान (वय 24, रा. पथ्रोट) आणि जुबेर सुलतान सौदागर (वय 21, रा. तरोडा रिद्धपूर) यांनाही ताब्यात घेण्यात आले.दरम्यान, आरोपीस पळून जाण्यास मदत करणारा अब्दुल मलिक शेख हसन (रा. अंजनगाव सुर्जी) आणि मिलाई येथे आश्रय देणारा जफर खान उर्फ दादु इस्लाम खान हे फरार आहेत. पोलिस आयुक्त अरविंद चावरिया यांनी इशारा दिला की, सोशल मीडियाचा गैरवापर करून कोणत्याही व्यक्तीबाबत अश्लील, बदनामीकारक किंवा धमकीचे व्हिडीओ व्हायरल करणाऱ्यांवर कठोर कारवाई करण्यात येईल.
Comments
Add Comment

यूपीएससी आयईएस आयएसएसचा निकाल जाहीर, सोलापूरचा मयुरेश वाघमारे देशात आठवा

नवी दिल्ली (वृत्तसंस्था) : युनियन पब्लिक सर्व्हिसेस अर्थात यूपीएससीअंतर्गत येणाऱ्या इंडियन इकॉनॉमिक सर्व्हिस

शिंदेंचं एक पाऊल मागे! निवडणुकीत शिवसेना धाकटा भाऊ होणार, शिंदेंना कमी जागा मिळणार?

मुंबई: मुख्यमंत्री देवेंद्र फडणवीस यांचे डावपेच आणि रणनीतीमुळे एकनाथ शिंदे पुन्हा एकदा बॅकफूटवर गेलेत.

Airbus, Tata Advanced System लिमिटेडने एका नवीन युगाची सुरवात केली: कर्नाटकातून पहिले 'मेड इन इंडिया' H125 हेलिकॉप्टर उड्डाण करणार

नवी दिल्ली: एअरबस H125 हेलिकॉप्टर तयार करण्यासाठी टाटा ॲडव्हान्स्ड सिस्टम्स लिमिटेड (TASL) द्वारे स्थापन करण्यात

एकनाथ खडसेंच्या जावयाची तुरुंगातून सुटका, ड्रग्स प्रकरणात क्लीन चीट

पुणे (प्रतिनिधी) : पुणे शहरातील खराडी येथे झालेल्या कथित ड्रग्स पार्टी प्रकरणात अटक करण्यात आलेल्या प्रांजल

'ठाकरे ब्रँड'ची भीती की नवी खेळी? शिंदे गटाचा ६० सेकंदाचा टीझर काय सांगतोय?

मुंबई: दसऱ्याचं वातावरण असलं तरी महाराष्ट्राच्या राजकारणात सध्या सभांचा आणि टीझर्सचा धडाका सुरू आहे.

शेतकऱ्यांची सेवा हाच दसरा मेळावा : उपमुख्यमंत्री एकनाथ शिंदे

शिवसेना यंदा दसऱ्यानिमित्त बांधणार पूरग्रस्तांच्या मदतीचे तोरण मेळावा घेऊन परंपरा अबाधित ठेवणार, मदत देऊन