मुंबई (प्रतिनिधी): अंगारकी संकष्टी वर्षातून एकदा किंवा दोनदाच येत असल्याने सिद्धिविनायक मंदिरात मंगळवारी १२ ऑगस्ट रोजी महापूजेचे आयोजन करण्यात आले आहे. अंगारकी संकष्टी चतुर्थीनिमित्त मुंबईच्या सिद्धिविनायक मंदिरात भाविकांची मोठी गर्दी असते. भाविकांच्या सुविधांच्या आनुषंगाने न्यास व्यवस्थापन समितीने भाविकांची होणारी गर्दी लक्षात घेता विशेष नियोजन केले आहे.
भाविकांना न्यासातर्फे सिद्धिविनायक अॅपद्वारे गणपती बाप्पाच्या दर्शनाचे प्रक्षेपण करण्यात येणार आहे. पुरुषांच्या आणि स्त्रियांच्या रांगेसाठी मंडप उभारण्यात येत आहेत. भाविकांच्या सोयीसाठी मोफत चप्पल स्टँडची व्यवस्था मंडपातच करण्यात येणार आहे. मुखदर्शन चप्पल स्टैंड व्यवस्था सिद्धी प्रवेशद्वाराबाहेरील पार्किंगजवळ करण्यात येणार आहे. गणपती बाप्पाचे दुरुन दर्शनाची व्यवस्था एस. के. बोले मार्गावरील मंदिर प्रवेशद्वार क्रमांक १ मधून करण्यात येणार आहे. मंदिरातर्फे रुग्णवाहिका, पाणपोई तसेच महापालिकेतर्फे फिरती नैसर्गिक विधीची व्यवस्था करण्यात येणार आहे.
कोणत्याही भाविकास शारीरीक त्रास झाल्यास त्यांच्यासाठी वैद्यकीय व्यवस्था करण्यात आली आहे. ज्येष्ठ नागरिक / नवजात बालक/दिव्यांग व्यक्ती गरोदर स्त्रिया रांगः रिद्धी प्रवेशद्वारातून (काकासाहेब गाडगीळ मार्ग) प्रवेशद्वार क्रमांक ५ गाभारा तसेच वाहतुकीच्या सुविधा मेट्रो LINE 3 (AQUA LINE) ची सुविधा भाविकांना उपलब्ध असेल. तसेच न्यासातर्फे भाविकांसाठी एकूण २० खासगी वातानुकूलित बस भाड्याने मागवण्यात येत आहेत. बस मार्ग रवींद्र नाट्य मंदिर ते दादर स्थानक असा असणार आहे.