'दशावतार' सिनेमाचा टीझर रिलीज, दिलीप प्रभावळकर यांच्या वाढदिवसानिमित्त खास भेट

  102

मुंबई : ज्येष्ठ आणि लोकप्रिय अभिनेते दिलीप प्रभावळकर यांच्या वाढदिवसाच्या निमित्ताने त्यांच्या आगामी 'दशावतार' या चित्रपटाचा जबरदस्त टीझर नुकताच प्रदर्शित करण्यात आला आहे. झी स्टुडिओज, ओशन फिल्म कंपनी आणि ओशन आर्ट हाऊस निर्मित या चित्रपटाच्या टीझरने प्रेक्षकांमध्ये प्रचंड उत्सुकता निर्माण केली आहे.

दर्जेदार कलाकारांचा संच
या चित्रपटात मराठीतील अनेक दिग्गज कलाकार एकत्र आले आहेत. यामध्ये दिलीप प्रभावळकर, महेश मांजरेकर, भरत जाधव, विजय केंकरे, सुनील तावडे, रवी काळे, सिद्धार्थ मेनन, प्रियदर्शिनी इंदलकर आणि अभिनय बेर्डे अशा कलाकारांचा समावेश आहे. हा चित्रपट केवळ एक सस्पेन्स थ्रिलर नसून त्यात भावना, रुढी-परंपरा, पारंपरिक लोककला आणि आधुनिक आव्हानांचा अनोखा संगम पाहायला मिळणार असल्याचं टीझरमधून दिसून येतं.

सुबोध खानोलकर यांनी या चित्रपटाचं लेखन आणि दिग्दर्शन केलं आहे. त्यांच्या मते, "दशावतार" ही कोकणातील मातीशी जोडलेली, पण जागतिक प्रेक्षकांना आपलीशी वाटणारी कथा आहे. टीझरमध्ये दिसणारी कोकणातील सुंदर निसर्गदृश्ये, दशावतारी कला आणि घनदाट अरण्य यामुळे हा चित्रपट एक वेगळाच आणि भव्य अनुभव देईल अशी खात्री वाटते. निर्माते सुजय हांडे यांच्या मते, टीझरमध्ये चित्रपटाच्या भव्यतेची झलक दिसते आणि यामध्ये प्रेक्षकांना काहीतरी नवीन पाहायला मिळेल. झी स्टुडिओजचे व्यवसाय प्रमुख बवेश जानवलेकर यांनी म्हटलं की, 'बदलत्या काळानुसार प्रेक्षकांची आवड बदलत आहे आणि हे लक्षात घेऊन आम्ही नवीन कथांना प्राधान्य देत आहोत.' 'दशावतार' हा चित्रपट मराठी चित्रपटसृष्टीत एक सकारात्मक ऊर्जा निर्माण करेल असा विश्वास त्यांनी व्यक्त केला.
हा चित्रपट १२ सप्टेंबर रोजी प्रेक्षकांच्या भेटीला येणार आहे.
Comments
Add Comment

गोविंदा फक्त माझाच! घटस्फोटाच्या चर्चांना सुनीता आहूजा यांनी दिला पूर्णविराम

मुंबई- गेल्या अनेक दिवसांपासून बॉलिवूड अभिनेता गोविंदा आणि त्याची पत्नी सुनीता आहूजा यांच्यात घटस्फोटाची

Swwapnil Joshi: मिठाईऐवजी अर्धा किलो तांदूळ आणा...घरच्या गणपती बाप्पाच्या दर्शनाला येणाऱ्यांसाठी स्वप्नील जोशीचं आवाहन

मुंबई: आजपासून दहा दिवस राज्यभरात गणेशोत्सवाची (Ganeshotsav 2025) धामधूम पाहायला मिळणार आहे, घराघरात आणि विविध सार्वजनिक

रणबीर-आलियाच्या नवीन घराचा व्हिडिओ व्हायरल झाल्यावर आलिया संतापली

मुंबई : बॉलिवूड अभिनेत्री आलिया भट्ट आणि रणबीर कपूर मुंबईत एक नवं घर बांधत आहेत, ज्याची किंमत

गोडवा आणि तिखटपणाची मेजवानी – ‘वडापाव’ चित्रपटाचा चविष्ट टीझर प्रदर्शित!

मुंबई : मराठमोळ्या खाद्यसंस्कृतीत वडापावचं स्थान खास आहे . वडापाव म्हटलं की जिभेला पाणी सुटतं. वडा जसा

२५० कोटींचा अलिशान बंगला तयार, रणबीर-आलिया लवकरच करणार गृहप्रवेश

मुंबई : बॉलिवूडचे लोकप्रिय कपल रणबीर कपूर आणि आलिया भट्ट यांचे स्वप्नातील घर अखेर तयार झाले आहे. गेल्या अनेक

मुख्यमंत्री देवेंद्र फडणवीस यांच्या हस्ते ‘अरण्य’ चित्रपटाचे पोस्टर अनावरण

मुंबई : मुख्यमंत्री देवेंद्र फडणवीस यांच्या हस्ते नुकतेच मराठी चित्रपट ‘अरण्य’ च्या पोस्टरचे अनावरण करण्यात