Fed Rate Cut: शेअर बाजाराचे 'रूपडे' पालटेल अशी बातमी आज युएस फेड व्याजकपातीचा निर्णय होणार! 'ही' आहे माहिती...

  78

मोहित सोमण:आज बाजाराची दिशाच बदलणारा मोठा दिवस ठरू शकतो. २९ ते ३० जुलैला दोन दिवसांच्या विस्तृत चर्चेनंतर आज युएस फेडरल रिझर्व्ह बँकेचे गव्हर्नर जेरोमी पॉवेल हे फेड व्याजदरावर आपला निकाल घोषित करतील. यामुळे आगामी काळा त फेडरल रिझर्व्ह व्याजदरात कपात होईल की नाही याची रूपरेखा आज स्पष्ट होणार आहे. युएस सीपीआय (Consumer Price Index CPI) म्हणजेच ग्राहक किंमत निर्देशांक तसेच पीसीई (Personal Consumption Expenditure PCE) यामधील आक डेवारीचा आढावा घेत हा निर्णय आज पॉवेल देऊ शकतात. यामुळे युएस बाजारासह इतर शेअर बाजाराचे भवितव्य यावर अवलंबून असेल.

डोनाल्ड ट्रम्प यांनी सातत्याने जेरोम पॉवेल यांच्यावर शाब्दिक हल्ले केले होते. अनेक महिन्यांपासून दर कपात केली नसल्याने ही शेरेबाजी ट्रम्प यांनी पॉवेल यांच्यावर केली. मात्र याविषयी जेरोमी पॉवेल यांनी बोलणे टाळले होते. केवळ 'बाजारातील परिस्थितीचा आढावा घेतच पुढील विचार केला जाईल' असे जेरोमी पॉवेल यांनी स्पष्ट केले होते. त्यावरच आजच्या बैठकीत विस्तृत चर्चा झाल्याची शक्यता वर्तवली जात आहे. किंबहुना आज बाजाराला व्याजदरात कपात होईल का गुंतवणूकदारांना यावर ठोस निर्णय घेणे शक्य होईल.

जूनमध्ये झालेल्या शेवटच्या बैठकीत, फेडने अमेरिकेतील करवाढीमुळे होणाऱ्या वाढीव खर्चाच्या जोखमीचा हवाला देत महागाईचा अंदाज सुधारला होता. नवीन अंदाजानुसार,फेडला वर्षाच्या अखेरीस अमेरिकेतील चलनवाढ ३.१% वर येण्याची अपेक्षा आहे जी सध्याच्या पातळीपेक्षा जास्त आहे. जूनमध्ये कोर सीपीआय चलनवाढ दरवर्षी २.९% वाढली. तथापि, बहुतेक फेड धोरणकर्त्यांना चिंता आहे की ट्रम्पच्या करवाढीमुळे महागाई आणण्याच्या प्रगतीत अडथळा येऊ शकतो. त्यामुळे आजच्या निर्णयावर लक्ष ठेवणे गुंतवणूकदारांना महत्वाचे ठरणार आहे.

अमेरिकेतील बेरोजगारीचा दर जूनमधील ४.१% वरून ४.२% पर्यंत वाढण्याचा अंदाज वर्तवला जात आहे जो कामगार बाजारातील आगामी घडामोडीत आणखी मंदी दर्शवितो. फेडने गेल्या वर्षी वर्षाच्या अखेरीस बेरोजगारी ४.५% पर्यंत वाढण्याचा अंदाज वर्तवला होता. शुल्क पातळी अखेर कुठे स्थिरावेल याबद्दल अनिश्चितता कायम आहे. त्यामुळेही गुंतवणूकदारांनी सावधगिरी बाळगली पाहिजे असा इशारा तज्ञांनी दिला आहे.बहुतेक वॉल स्ट्रीट विश्लेषकांचा अंदाज आहे की टेरिफचा दबाव अद्याप अमेरिकेच्या महागाईत रूपांतरित झालेला नाही. तथापि, त्यांनी इशारा दिला आहे की ऑगस्टपासून करार सुरू झाल्यानंतर अमेरिकेतील महागाई वाढेल आणि नजीकच्या काळात ती वाढू शकते ज्याचा परिणाम भारतीय शेअर बाजारात होईल का हे पाहणे महत्त्वाचे ठरेल.
Comments
Add Comment

मुंबईत अपघात; कार उलटली, दुभाजक ओलांडून पलिकडच्या रस्त्यावर गेली आणि...

मुंबई : रविवार म्हणजे अनेकांसाठी सुटीचा, विश्रांतीचा दिवस. यामुळे मुंबईकर निवांत असतात. पण आजच्या रविवारची

श्री तुळजाभवानी मंदिरातील तलवार चोरीच्या बातम्या खोट्या, अफवांवर विश्वास ठेवू नका!

धाराशिव : श्री तुळजाभवानी मंदिरात सध्या जतन,संवर्धन व विविध विकासकामे मोठ्या प्रमाणावर सुरू असून,या अनुषंगाने

पाकिस्तानमधून आरडीएक्सने राम मंदिर उडवण्याचा मेसेज; गुन्हा दाखल

बीड : उत्तर प्रदेशातील अयोध्येतील श्री राम मंदिर उडवण्याचा मेसेज थेट पाकिस्तानातून बीड जिल्ह्यातील एका तरुणाला

मिठीचा गाळ, गोतास काळ; ७,००० पानांचे आरोपपत्र, मोठे मासे सापडणार!

मुंबई पोलिसांकडून मिठी नदी गाळ काढणी घोटाळा उघड ६५.५४ कोटींचा धक्कादायक प्रकार! मुंबई : ६५.५४ कोटींच्या मिठी

सांगा चूक कोणाची? लपवाछपवी कोणासाठी? बीएमसी आणि म्हाडामध्ये घमासान!

मुंबई : मुंबई महानगरपालिका (BMC) आणि महाराष्ट्र गृहनिर्माण व क्षेत्र विकास प्राधिकरण (MHADA) यांच्यात चांदिवलीतील

नाईट वॉचमन आकाशदीपने इंग्लंडची झोप उडवली

लंडन : भारत आणि इंग्लंड यांच्यात सुरू असलेल्या पाच कसोटी सामन्यांच्या मालिकेतील अखेरचा सामना केनिंग्टन ओव्हल