आई, बघ हा पाऊस

काव्यकोडी : एकनाथ आव्हाड

कधी धो धो कोसळतो
कधी रिमझिम बरसतो
आई, सांग हा पाऊस
असा का बरं वागतो?

धुवांधार कोसळे तेव्हा
अंधार भोवती दाटतो
पाणी होते चहूकडे
जीव घाबरून जातो

मुसळधार पावसात
शेतं जातात वाहून
माझ्या शाळेचाही रस्ता
जातो पाण्यात बुडून

रिमझिम बरसतो तेव्हा
झाडं खुशीत डोलती
माझ्या होड्याही पाण्यात
कशा डौलाने चालती

अशा ओल्या दिवसांत
झरे गालात हसती
डोंगर हिरवे होऊन
मोठ्या थाटात बसती

आई, बघ हा पाऊस
कसा खट्याळ वागतो
छत्री असते सोबत
तेव्हा लपून बसतो

आई म्हणते बाळा
पाऊस जरी हा लहरी
त्याच्यामुळे पीकपाणी
सुख येई घरोघरी
Comments
Add Comment

उत्तंकामुळे गुलीकाची मुक्ती

उत्तंकामुळे गुलीकाची मुक्ती: भालचंद्र ठोंबरे अधर्मी कृत्ये करणारे, पापी, दरोडेखोर यांना ऋषीमुनींनी केलेल्या

नको त्या संगतीत ‘टीनएजर्स’

आनंदी पालकत्व : डाॅ. स्वाती गानू चुकीच्या संगतीत अडकलेल्या टीनएजर्स मुलांना जेव्हा पालक कौन्सिलिंगसाठी घेऊन

लोकमाता अहिल्याबाई होळकर

स्पांदन- अशियनी शिंदे-भोईर वसई गावातील विवा कट्टा या उपक्रमात पुण्यश्लोक अहिल्याबाई होळकर यांच्या

‘कर चले हम सलाम…’

नॉस्टॅल्जिया: श्रीनिवास बेलसरे एक सुंदर चिंतनशील विचार अलीकडेच वाचनात आला - ‘जिना सबको नही आता, मौत सबको आती

कदाचित हा तूमचा अखेरचा चित्रट ठरु शकतो

स्मृतीपटल : अनिल तोरणे  अभिनेते अमिताभ बच्चन यांच्याप्रमाणेच ठरलेल्या वेळी चित्रपटाच्या सेटवर हजर राहणाऱ्या

पहिला पाऊस

मनस्विनी: पूर्णिमा शिंदे येरे येरे पावसा... खूप सुंदर कविता. तुमच्या आमच्या बालपणातील. उन्हाच्या झळांनी लाहीलाही