‘राणी’ रसिकांच्या भेटीला : ‘परिणती - बदल स्वतःसाठी’ चित्रपटातील पहिलं गाणं रसिकांच्या भेटीला

मुंबई : अमृता सुभाष, सोनाली कुलकर्णी यांचा नवा चित्रपट लवकरचं प्रदर्शित होणार आहे . दोन सशक्त आणि आत्मनिर्भर स्त्रियांच्या आयुष्याचा आणि त्यांच्या मैत्रीचा भावनिक प्रवास मांडणाऱ्या ‘परिणती - बदल स्वतःसाठी’ या चित्रपटातील पहिले गाणं ‘राणी’ नुकतंच रसिकांच्या भेटीला आलं असून, ते प्रेक्षकांच्या मनाला भिडताना दिसतंय. हे गाणं केवळ मैत्रीचं नसून स्त्रियांच्या स्वशोधाचा सुरेल आविष्कार आहे. सोनाली कुलकर्णी आणि अमृता सुभाष यांच्या जबरदस्त अभिनयामुळे आणि सशक्त स्क्रीन प्रेझेन्समुळे या गाण्याला एक वेगळीच ऊर्जा लाभली आहे.


संगीतकार समीर साप्तीस्कर यांनी दिलेल्या जबरदस्त चालीवर समीर सामंत यांचे अर्थपूर्ण आणि प्रेरणादायी बोल सजले आहेत. वैशाली माडे आणि प्राजक्ता शुक्रे यांच्या दमदार गायकीने हे गाणं अजूनच उठावदार झालं आहे. ‘राणी’ हे गाणं एक पेपी ट्रॅक असलं तरी त्यामागे स्वतःसाठी जगण्याची आणि स्वत्व टिकवण्याची प्रेरणा देणारा एक सखोल भावनिक थर आहे.


या गाण्याबद्दल लेखक व दिग्दर्शक अक्षय बाळसराफ म्हणतात, '' ‘राणी’ हे गाणं म्हणजे दोन स्त्रियांच्या नात्याचं आणि त्यांच्या आत्मशक्तीच्या जागृतीचं प्रतीक आहे. एका सुंदर प्रवासाची सुरुवात आहे, ज्यात स्त्रिया स्वतःसाठी उभ्या राहतात, स्वतःचं अस्तित्व शोधतात आणि त्याचा अभिमान बाळगतात. सोनाली आणि अमृतासारख्या ताकदवान अभिनेत्रींच्या माध्यमातून ही भावना जिवंत झाली आहे. आम्ही हे गाणं केवळ ऐकावं असं नाही, तर अनुभवावं अशी रचना केली आहे. कारण ही प्रत्येक स्त्रीच्या अंतःकरणातून उमटणारी ओळख आहे.”


पीएच फिल्म्स, फिनिक्स फिल्म्स आणि इनसिंक मोशन पिक्चर्स यांच्या संयुक्त विद्यमाने निर्मित या चित्रपटाचे निर्माते पराग मेहता आणि हर्ष नरूला असून, अमित डोगरा, मोना नरूला, आशिष त्रिवेदी, शारदा नरूला, मनोज जैन, मोहित लालवानी, कांचन शाह आणि शांता जैन हे सहनिर्माते म्हणून सहभागी आहेत. अक्षय बाळसराफ यांनी लेखन व दिग्दर्शन केलेल्या या चित्रपटात अमृता सुभाष, सोनाली कुलकर्णी आणि अक्षर कोठारी यांच्या प्रमुख भूमिका आहेत. येत्या १ ऑगस्ट रोजी प्रदर्शित होणारा ‘परिणती – बदल स्वतःसाठी’ हा चित्रपट एक भावनिक आणि प्रेरणादायी प्रवास उलगडणार आहे.

Comments
Add Comment

संजय दत्तची लेक इकरा आहे हुबेहूब आजी नरगिस दत्त यांची 'कार्बन कॉपी'!

११ व्या वाढदिवसाच्या फोटोंवर चाहत्यांकडून 'कार्बन कॉपी' म्हणत कौतुकाचा वर्षाव मुलगा शाहरान आणि मुलगी इकराच्या

शाहरुख खानच्या मन्नतवर दिवाळी का साजरी झाली नाही ? जाणून घ्या कारण

मुंबई : दिवाळी निमित्त दरवर्षी शाहरुख खान आपल्या मन्नत वर दिवाळी पार्टीचं आयोजन करत असतो. या भव्यदिव्य पार्टीला

‘क्रांतिज्योती विद्यालय - मराठी माध्यम’ चित्रपट लवकरच प्रेक्षकांच्या भेटीला

Krantijyoti Vidyalay Marathi Madhyam Marathi Movie: ‘झिम्मा’, ‘झिम्मा २’ आणि ‘फसक्लास दाभाडे’ या चित्रपटांच्या प्रचंड यशानंतर निर्माती क्षिती

इंडियन आयडॉल नंतर रोहित राऊत पुन्हा एकदा एका गायन स्पर्धेत होणार सहभागी

मुंबई : सारेगमप लिटिल चॅम्प्स या स्पर्धेमुळे रोहित घराघरात पोहोचला. या शो यामध्ये तो फायनलिस्ट ठरला होता. यानंतर

सचिन पिळगांवकर पुन्हा चर्चेत; "माझं गाणं ऐकून निर्माते बडजात्यांनी शेवटचा श्वास घेतला" या वक्तव्यावर सोशल मीडियावर जोरदार प्रतिक्रिया

मुंबई: मराठी आणि हिंदी चित्रपटसृष्टीतील ज्येष्ठ अभिनेता सचिन पिळगांवकर पुन्हा एकदा वादाच्या भोवऱ्यात अडकला

गौतमी पाटीलचा डान्स आणि स्वप्नील जोशी व भाऊ कदमची भन्नाट केमिस्ट्री प्रेक्षकांना पहायला मिळणार!

मुंबई : मराठी चित्रपटसृष्टीत आता एक दमदार आणि हटके जोडी प्रेक्षकांना पडद्यावर पाहायला मिळणार आहे. ती जोडी आहे