पती पत्नीच्या नात्याला काळिमा, आपल्याच पत्नीचे खाजगी व्हिडीओ काढून केले ब्लॅकमेल! पती सरकारी अधिकारी

  120

पुणे: पती-पत्नीच्या नात्याला काळीमा फासणारी घटना पुण्यातील आंबेगाव येथे घडली आहे. पत्नीवर संशय घेऊन तिच्यावर पाळत ठेवण्यासाठी पतीने स्वतःच्याच घरात आणि बाथरूममध्ये स्पाय कॅमेरे बसविले. पत्नीचे आंघोळ करतानाचे आणि इतर खासगी व्हिडीओ चित्रीत करून ते व्हायरल करण्याची धमकी तिला दिली. महत्वाची गोष्ट म्हणजे, पीडित पत्नीदेखील क्लास १ अधिकारी आहे. त्यामुळे अशाप्रकारे पती आणि पत्नी दोघेही प्रशासकीय सेवेत असूनही, हा धक्कादायक प्रकार समोर आला आहे. सदर प्रकरणी गुन्हा दाखल झाला असून पोलीस पुढील तपास करत आहेत.


पत्नीवर संशय होता म्हणून, या अधिकाऱ्याने घरात स्पाय कॅमेरे लावून पत्नीचे खाजगी क्षण रेकॉर्ड केल्याचा आरोप पत्नीने केला आहे. आपल्या पतीसह तिने सासरच्या काही लोकांविरुद्ध छळ, ब्लॅकमेल आणि हुंडा मागितल्याचा आरोप करत एफआयआर दाखल केला आहे.



सरकारी अधिकाऱ्यावर पत्नीचा गंभीर आरोप


पीडित पत्नी जीदेखील क्लास १ अधिकारी आहे, तिने आंबेगाव पोलिस ठाण्यात पती आणि त्याच्या कुटुंबातील सात सदस्यांवर छळ, ब्लॅकमेल आणि गोपनीयतेचे उल्लंघन केल्याचा आरोप करत तक्रार दाखल केली आहे.


पोलिसांनी दिलेल्या माहितीनुसार, या जोडप्याचे २०२० मध्ये लग्न झाले. काही वर्षांनी, पतीला पत्नीच्या चारित्र्यावर संशय येऊ लागला, ज्यामुळे तो तिचा शारीरिक आणि मानसिक छळ करू लागला. तिच्यावर पाळत ठेवण्यासाठी, त्याने घरात स्पाय कॅमेरे लावले होते. कामाच्या वेळीही तो तिच्या हालचालींवर लक्ष ठेवत असे. तक्रारीत पुढे म्हटले आहे की, आरोपीने वारंवार धमकी दिली होती की जर तिने तिच्या पालकांच्या घरातून कार आणि गृहकर्जाचे हप्ते भरण्यासाठी १.५ लाख रुपये आणले नाहीत तर तो तिचे खाजगी व्हिडिओ ऑनलाइन लीक करेल.


महिलेने तिच्या सासू, सासरे, मेहुणे, आणि इतर नातलगांवर देखील आरोप केले आहे. लग्न झाल्यापासून सतत तिचा मानसिक आणि शारीरिक छळ सासरच्या लोकांकडून केला कात असल्याचा आणि तिच्या पालकांकडून पैसे तसेच कार आणण्यासाठी दबाव टाकला जात असल्याचा आरोप केला आहे. पोलिसांनी पती आणि सासरच्या मंडळीवर ब्लॅकमेलिंग, घरगुती हिंसाचार, शोषण आणि गोपनीयतेवर आक्रमण केल्याबद्दल बीएनएसच्या संबंधित कलमांखाली गुन्हा दाखल केला आहे. तसेच घरातून जप्त केलेले गुप्तचर कॅमेरे आणि व्हिडिओ फुटेजची देखील चौकशी होणार आहे.

Comments
Add Comment

जरांगेंच्या आंदोलनामुळे दक्षिण मुंबईत वाहतूक कोंडी

मुंबई : मराठा समाजाला कुणबी म्हणून आरक्षण देण्याची आग्रही मागणी मनोज जरांगे करत आहेत. ही मागणी पूर्ण करुन

जेएम फायनांशियलकडून आकर्षक परताव्यासाठी PVR Inox शेअरला बाय कॉल 'या' टार्गेट प्राईजसह!

मोहित सोमण:जे एम फायनांशियल इन्स्टिट्युशनल सिक्युरिटीजने (JMFL ) ब्रोकिंग रिसर्चने पीव्हीआर आयनॉक्सला 'Buy Call' दिला

Manoj Jarange Patil Maratha Morcha : “मागण्या पूर्ण झाल्याशिवाय मुंबई सोडणार नाही!”, आझाद मैदानावरून जरांगे पाटील यांचा मोठा इशारा

मुंबई : मराठा समाजाचे नेते मनोज जरांगे पाटील आज अखेर मुंबईत दाखल झाले असून, त्यांनी आझाद मैदानावर ओबीसी

मोठी बातमी - माजी गव्हर्नर उर्जित पटेलांची IMF कार्यकारी संचालक पदी नियुक्ती

मोहित सोमण:आरबीआयचे माजी गव्हर्नर डॉ उर्जित पटेल यांची आंतरराष्ट्रीय नाणे निधी (International Monetary Fund) या जागतिक दर्जाच्या

सकाळी शेअर बाजारात किरकोळ वाढ सेन्सेक्स ३५.४४ व निफ्टी १७.०५ अंकांनी वाढला 'हे' आहे सकाळचे विश्लेषण

मोहित सोमण:आज सकाळीच गिफ्ट निफ्टीत वाढ झाल्याने इक्विटी बेंचमार्क निर्देशांकात वाढ झाली आहे. बाजारातील सत्र

शिखर परिषदेसाठी जपानमध्ये पोहोचले पंतप्रधान मोदी, टोकियोच्या एअरपोर्टवर जोरदार स्वागत

टोकियो: भारताचे पंतप्रधान नरेंद्र मोदी शिखर परिषदेत सहभागी होण्यासाठी जपानमध्ये पोहोचले आहेत. टोकियोच्या