Mumbai Crime : धावत्या रिक्षात तरुणीचा विनयभंग, रिक्षा थांबवायची नाही, अन्यथा मारून टाकेन असं म्हणत रिक्षा चालकाला धमकी

  72

मुंबई : मुंबईतील बांद्रामधून एक संतापजनक प्रकार समोर आला आहे. भर दुपारी रिक्षात एका अनोळखी इसमाने रिक्षात शिरून १६ वर्षीय महाविद्यालयीन तरुणीचा विनयभंग केल्याची घटना वांद्रे येथे घडली. सिग्नल लागल्याने चौकात रिक्षा थांबली. त्यावेळी अचानक तरुण रिक्षात घुसला. तरुणी आणि रिक्षा चालकाने त्याला खाली उतरण्याचे सांगताच त्याने शस्त्राचा धाक दाखवला. त्याने अश्लील शेरेबाजी केली. पुढील चौक येताच त्याने पोबारा केला. पोलिसांनी आरोपीला अटक केल्याचे समोर येत आहे.

शस्त्राचा दाखवला धाक


दुपारी रिक्षात एका अनोळखी इसमाने रिक्षात शिरला १६ वर्षीय महाविद्यालयीन तरुणीचा विनयभंग केल्याची घटना वांद्रे येथे घडली. रिक्षा सिग्नलला थांबली असताना आरोपी रिक्षात शिरला आणि चालकाला शस्त्राचा धाक दाखवून रिक्षा सुरू ठेवायला सांगितली. यानंतर त्याने धावत्या रिक्षात मागील आसनावर बसलेल्या महाविद्यालयीन तरूणीचा विनयभंग केला.


तरुणी या प्रकाराने घाबरली


सोमवारी दुपारी तरुणीने नेहमीप्रमाणे एस. व्ही. रोड येथील बॉस्टन हॉटेलजवळून एक रिक्षा पकडली. दुपारी १२ च्या सुमारास रिक्षा सायबा हॉटेलजवळील सिग्नलवर थांबली, त्यावेळी रस्त्यावर गर्दी होती. काळ्या रंगाचा शर्ट परिधान केलेला एक इसम अचानक रिक्षात शिरला. पीडित तरुणी १६ वर्षांची असून वांद्रे येथे राहते. दररोज दुपारी ती रिक्षाने महाविद्यालयात जाते.

रिक्षा थांबवायची नाही, अन्यथा मारून टाकेन


पीडित तरुणीने आणि रिक्षाचालकाने त्याला खाली उतरायला सांगितले. मात्र तो उतरायला तयार नव्हता, मला काही अंतरच पुढे जायचे आहे. दुसरी रिक्षा मिळत नाही असे सांगून तो जबरदस्तीने आत बसून राहिला. तरुणी आणि रिक्षाचालक त्याला उतरायला सांगत असतानाच सिग्नल सुटताच त्याने धारदार शस्रासारखी एक वस्तू काढली. रिक्षा थांबवायची नाही, अन्यथा मारून टाकेन अशी धमकी त्याने दिली. या प्रकारामुळे रिक्षाचालक आणि ती तरुणी दोघेही घाबरले. रिक्षा सुरू होताच त्याने अश्लील शेरेबाजी करीत तरुणीचा विनयभंग केला. पुढील सिग्नलवर रिक्षा थांबल्यावर तो उतरून पळून गेला. या प्रकारामुळे तरूणी प्रचंड घाबरली होती. ती महाविद्यालयात न जाता घरी परत आली. तिने हा प्रकार आपल्या कुटुंबियांना सांगितला. त्यानंतर तिच्या कुटुंबीयांनी पोलिसात धाव घेतली. आरोपीला अटक केल्याची माहिती समोर आली आहे.
Comments
Add Comment

उद्धव ठाकरे आणि आव्हाडांच्या भूमिकेवर भाजपचा सवाल

हिंदूंना बदनाम करण्याच्या आव्हाडांच्या आरोपांशी उद्धव ठाकरे सहमत आहेत का? भाजपचे मुख्य प्रवक्ते केशव उपाध्ये

लोकलमध्येही महिला सुरक्षित नाहीत ! पोलिसानेच केले महिलेसोबत घाणेरडे कृत्य

मुंबई : मुंबई लोकलमधील महिलांच्या सुरक्षेचा प्रश्न पुन्हा एकदा उपस्थित झाला आहे . सुरक्षेसाठी नेमलेले

मोठी बातमी : आता ‘पॅन २.०’ येणार! जुन्या 'पॅन कार्ड' चे काय होणार?

नवी दिल्ली : गेल्या काही दिवसांत पॅन २.० सातत्याने चर्चेत आहे. आयकर विभागाने PAN २.०च्या आधुनिकीकरणासाठी मोठं पाऊल

Housing Jihad: धक्कादायक! हिंदूंची घरं मुस्लिमांना देऊन बिल्डरांकडून मुंबईत हाऊसिंग जिहाद

हिंदू दहशतवाद म्हणणाऱ्या काँग्रेसवाल्यांसोबत डिनर करणाऱ्या उबाठावर संजय निरुपम यांचा घणाघात मुंबई: पश्चिम

गणेशभक्तांच्या सोयीसाठी गणेशोत्सवात रात्री उशिरापर्यंत लोकल आणि मेट्रो सुरु ठेवावी: मंत्री मंगलप्रभात लोढा

जनतेच्या मागणीसाठी रेल्वे आणि मेट्रो प्रशासनासोबत पाठपुरावा करणार मुंबई: महाराष्ट्र आणि मुंबई एमएमआर परिसरात

मुंबईत ५१ कबुतरखाने बंद... पक्ष्यांना खायला घालण्यास पूर्णपणे बंदी! आतापर्यंत १०० जणांहून अधिक लोकांना ठोठावला दंड

मुंबई: कबुतरांना खायला देण्यावरील बंदी लागू झाल्यापासून, बीएमसीने दादर कबुतरखान्यात १०० हून अधिक लोकांना दंड