Kalyan News : कल्याण मारहाण प्रकरणात मोठा ट्विस्ट! रिसेप्शनिस्ट मुलीनेच पहिली लगावली कानशिलात, व्हिडिओ आला समोर

कल्याण : कल्याण पूर्व (Kalyan East) शहरातील नांदिवली भागात एका खाजगी रुग्णालयात मंगळवारी एक धक्कादायक घटना घडली होती. एका रिसेप्शनिस्ट तरुणीला एका परप्रांतील पुरूषाने बेदम मारहाण केली. ही संपूर्ण घटना रुग्णालयात बसवलेल्या सीसीटीव्हीच्या कॅमेऱ्यात कैद झाली. या व्हिडीओमध्ये गोकुळ झा नावाचा व्यक्ती एका मराठी तरुणीला लाथा-बुक्क्यांनी मारहाण करत असल्याचे समोर आले होते. याप्रकरणी गोकुळ झा याच्यासह त्याचा मोठा भाऊ रंजीत झा याला पोलिसांनी अटक करुन आज न्यायालयात हजर केलं होतं. न्यायालयाने दोघांना दोन दिवसांची पोलीस कोठडी सुनावली आहे. मात्र आता या प्रकरणात मोठा ट्विस्ट आला आहे. पीडिता असलेली मराठी रिसेप्शनिस्ट तरुणी सोनाली (Sonali) हिने आधी एका महिलेला कानशिलात लगावली होती, असे एक व्हिडिओ फुटेज सध्या समोर आले आहे.



नवीन व्हिडिओमध्ये काय?


सदर प्रकरणातील नवीन व्हिडीओमध्ये गोकुळ झा, रंजीत झा त्यांची आई आणि सून उभे असल्याचे दिसत आहे. या व्हिडीओमध्ये रिसेप्शनिस्ट तरुणी आणि गोकुळ झा यांच्यात शाब्दिक वाद झाल्याचं पाहायला मिळतंय. यामध्ये गोकुळ झाने तरुणीला पहिली लाथ मारण्याचा प्रयत्न केला. तसेच शिवीगाळही केली. यानंतर गोकुळ झा याला शांत करत त्याच्या आईने त्याला रुग्णालयाच्या बाहेर पाठवले. यानंतर रिसेप्शनिस्ट तरुणीने झा कुटुंबातील एका महिलेला कानाखाली मारलं. त्यानंतर गोकुळ झा बाहेरुन धावत आला आणि रिसेप्शनिस्ट तरुणीला लाथा-बुक्क्यांनी मारहाण केली.





गोकुळ झा रेकॉर्ड वरचा गुन्हेगार


दरम्यान, गोकुळ झा हा रेकॉर्ड वरचा गुन्हेगार आहे. याच्यावर कल्याण कोळशेवाडी उल्हासनगर या परिसरात दरोड्यासह मारहाणीचे गुन्हे दाखल आहेत. कल्याण पूर्व येथील नांदिवली परिसरामध्ये फेरीवाल्याकडून गोकुळ झा हप्ते वसुली करत असल्याचा आरोप शिवसेना शिंदे गटाचे शहर प्रमुख निलेश शिंदे यांनी केला आहे. त्यामुळे पोलीस उपायुक्त अतुल झेंडे यांनी दिलेल्या माहितीनुसार वेगवेगळ्या पद्धतीने त्याची चौकशी करून त्याला कठोर शिक्षा कशी होऊ शकेल यासाठी पोलिसांचा प्रयत्न असणार आहे.



मारहाण करणे योग्य नव्हते गोकुळ झाच्या आईचा निर्वाळा


सदर घटनेवर गोकुळ आणि रंजीत झा यांची आई म्हणाली की, सदर घटना माझ्या समोर घडली असून रिसेप्शनिस्ट तरुणीनेच आधी माझ्या सूनेवर हात उचलला. मुलीने माझ्या सुनेला शिवीगाळ केली होती. त्यानंतर तरुणीने माझ्या सूनेच्या कानाखालीसुद्धा मारली. हा सर्वप्रकार गोकुळ झाने पहिला आणि बाहेरुन धावत येत त्याने तिला लाथ मारली. मात्र त्याने मारहाण करणे योग्य नव्हते, असा स्पष्ट निर्वाळाही आईने दिला आहे.

Comments
Add Comment

बाईक टॅक्सी चालकाच्या खात्यात ३३१ कोटी रुपये

नवी दिल्ली : राजधानी दिल्लीत सक्तवसुली संचालनालयाला (ईडी) मनी लॉन्ड्रिंग प्रकरणाच्या तपासादरम्यान एका बाईक

ऑस्ट्रेलियन पीएम अल्बानीज यांनी ६२ व्या वर्षी बोहल्यावर , पत्नी १६ वर्षांनी लहान

कॅनबेरा : ऑस्ट्रेलियाचे पंतप्रधान अँथनी अल्बानीज यांनी नुकतेच त्यांची पार्टनर जोडी हेडन यांच्याशी लग्न केले. ६२

पंतप्रधान मोदी देशवासियांशी १२८ व्यांदा 'मन की बात' मधून संवाद साधणार

नवी दिल्ली : पंतप्रधान नरेंद्र मोदी रविवार ३० नोव्हेंबर २०२५ रोजी १२७ व्यांदा 'मन की बात' कार्यक्रमाद्वारे जनतेशी

कधी सुरू होणार भारत - दक्षिण आफ्रिका ODI ?

रांची : भारत आणि दक्षिण आफ्रिका यांच्यातील कसोटी मालिका दक्षिण आफ्रिकेने ०-२ अशी जिंकली. आता रविवार ३० नोव्हेंबर

रोहिणी खडसेंच्या कार्यक्रमात महिलांची हाणामारी

जालना : राज्यात नगरपालिका आणि नगरपंचायतींच्या निवडणुकीच्या प्रचाराचा धुरळा उडत आहे. अनेक नेते प्रचारसभा आणि

पुणे जिल्ह्यात प्रचार जोरात

पुणे : पुणे जिल्ह्यातील आळंदी, बारामती, भोर, चाकण, दौंड, फुरसुंगी-उरुळी देवाची, इंदापूर, जेजुरी, जुन्नर, लोणावळा,