संकेतस्थळावरील माहितीनुसार, २४ कॅरेट सोन्याच्या प्रति तोळा किंमतीत १० रूपयांने वाढ, २२ कॅरेट सोन्याच्या प्रति तोळा किंमतीत १०, १८ कॅरेट सोन्याच्या प्रति तोळा किंमतीत १० रूपयाने वाढ झाली आहे. परिणामी सोन्याचे दर प्रति तोळा २४ कॅरेट १००१६०, २२ कॅरेट ९११८०, १८ कॅरेट ७५१२० रूपयावर गेली आहे. मुंबईसह, भारतातील प्रमुख शहरातील सोन्याचे सरासरी दर प्रति ग्रॅम दर २४ कॅरेटला १००१६, २२ कॅरेटला ९१८१ रूपयांवर आहेत. ही सराफा बाजारातील सलग पाचव्यांदा वाढ होत आहे. चांदीची वाढ स्थिर झाल्यावर पुन्हा एकदा सोन्याच्या उसळीला नवा वेग प्राप्त झाला आहे. सतत वाढणारी पातळी गाठल्याने सोने नव्या उच्चांकावर (All time High) गेले आहे.
सकाळपर्यंत सोन्याच्या जागतिक गोल्ड फ्युचर निर्देशांकात (Gold Futures Index) यामध्ये मात्र (०.०२%) घसरण झाल्याने आजची वाढ किरकोळ अथवा नियंत्रित राहिली. सकाळपर्यंत युएस गोल्ड स्पॉट दरात (US Gold Spot) निर्देशांकात ०.१७% घसरण झाल्याने पुन्हा किंमत पातळी प्रति डॉलर ३३९१.५२ औंसवर गेली आहे. भारतातील कमोडिटी बाजारातील एमसीएक्स (Mutli Commodity Exchange MCX) यामध्ये मात्र सकाळपर्यंत १.३५% वाढ झाल्याने भारतीय बाजारातील सोन्याची दरपातळी ९९३५०.०० रूपये प्रति तोळा गेली आहे.
सोन्याच्या जागतिक वाढीमुळे त्याचा फटका बसत असला तरी अधिक फटका भारतीय शेअर बाजारातील रूपयांच्या अस्थिरतेचाही अधिक फटका सोन्यात बसला. मागच्या आठवड्यात परदेशी चलनातही घसरण झाल्याने सोन्यावर अधिक दबाव निर्माण झाला. आरबीआयकडून यापूर्वी ११ महिने सहज पुरेल इतका चलनसाठा असल्याचे म्हटले गेले असली तरी रूपयाची होणारी घसरण दे खील टेरिफ मधील संभाव्य दरवाढ लक्षात घेता आणखी हानीकारक ठरू शकते. प्रत्यक्ष सोन्याबरोबरच ईटीएफ मधील वाढलेली गुंतवणूक पाहता ही मागणी कुठपर्यंत जाईल हे सांगणे कठीण असले तरी पुढील व्याजदर कपातीची घोषणा होईपर्यंत सोन्याच्या दरात स्थित्यंतरे अपेक्षितच आहेत.