'दशावतार' चित्रपटाचा फर्स्ट लूक आंतरराष्ट्रीय स्तरावर गाजला; अमेरिकन कंटेंट क्रिएटर्सकडून कौतुकाचा वर्षाव

मुंबई: मराठी चित्रपटसृष्टीसाठी एक अत्यंत अभिमानाची बातमी समोर आली आहे. आगामी मराठी चित्रपट 'दशावतार' चा फर्स्ट लूक प्रदर्शित झाल्यानंतर केवळ भारतातच नव्हे, तर आंतरराष्ट्रीय स्तरावरही त्याची जोरदार चर्चा सुरू झाली आहे. अमेरिकेतील प्रसिद्ध यूटयूब कंटेंट क्रिएटर्स कोर्बिन माईल्स आणि रिक सीगल यांनी त्यांच्या 'अवर स्टुपिड रिॲक्शन' या लोकप्रिय चॅनलवर 'दशावतार'च्या टीझरला सकारात्मक प्रतिसाद देत भरभरून कौतुक केले आहे.


जगभरातील चित्रपटांचे समीक्षण करणाऱ्या या अमेरिकन क्रिएटर्सनी 'दशावतार'च्या टीझरमधील दृश्यसौंदर्य, भव्य सेट्स, उत्कृष्ट व्हिज्युअल इफेक्ट्स आणि चित्रपटाची संकल्पना पाहून आश्चर्य व्यक्त केले. त्यांनी या टीझरला 'हॉलीवूड दर्जाच्या पौराणिक चित्रपटासारखा' भासत असल्याचे म्हटले आहे. "मराठी चित्रपट अशा उच्च पातळीवर बनत असल्याचे पाहून खूप आनंद झाला," असेही त्यांनी नमूद केले. सध्या कोर्बिन माईल्स आणि रिक सीगल यांचा हा 'रिॲक्शन' व्हिडिओ सोशल मीडियावर मोठ्या प्रमाणात व्हायरल होत असून, त्यामुळे 'दशावतार'ची उत्सुकता केवळ मराठी प्रेक्षकांपुरती मर्यादित न राहता, आता जागतिक स्तरावर पोहोचली आहे. विशेष म्हणजे, त्यांच्या कार्यक्रमात चर्चा झालेला 'दशावतार' हा पहिलाच मराठी आणि बहुधा पहिला भारतीय प्रादेशिक चित्रपट असावा.


 

चित्रपटाबद्दल अधिक माहिती
झी स्टुडिओज् प्रस्तुत, ओशन फिल्म कंपनी आणि ओशन आर्ट हाऊस निर्मित "दशावतार" हा चित्रपट कोकणातील अद्भुत निसर्ग, तिथल्या रूढीपरंपरा, मान्यता आणि लोककला यांचे मनोरम्य दर्शन घडवतो. याला गूढ, उत्कंठावर्धक, वेगवान आणि थरारक कथेची जोड देण्यात आली आहे.


या चित्रपटात ज्येष्ठ अभिनेते दिलीप प्रभावळकर यांची महत्त्वपूर्ण भूमिका आहे. चित्रपटाची कथा, पटकथा लेखन आणि दिग्दर्शन सुबोध खानोलकर यांनी केले आहे. चित्रपटाची निर्मिती सुजय हांडे, ओंकार काटे, सुबोध खानोलकर, अशोक हांडे, आदित्य जोशी, नितीन सहस्त्रबुद्धे, मृणाल सहस्त्रबुद्धे, संजय दुबे, विनायक जोशी यांनी केली आहे. चित्रपटाचे कलानिर्माते अजित भुरे असून, कोकणातील एका गूढ कथेवर या चित्रपटाची बांधणी करण्यात आली आहे.


"दशावतार" हा चित्रपट येत्या १२ सप्टेंबर रोजी प्रेक्षकांच्या भेटीला येणार आहे. मराठी चित्रपट आंतरराष्ट्रीय स्तरावर आपली छाप उमटवत आहे, ही प्रत्येक मराठी माणसासाठी नक्कीच अभिमानास्पद बाब आहे.

Comments
Add Comment

'क्योंकि सास भी कभी बहू थी' २ मध्ये झळकणार बिल गेट्स

मुंबई : २००० ते २००८ च्या कालावधीत घराघरात पोहोचलेली हिंदी मालिका म्हणजेच 'क्योंकि सास भी कभी बहू थी' ही मालिका आता

सुशांतच्या मृत्यू प्रकरणाची फाईल पुन्हा उघडणार?

मुंबई : अभिनेता सुशांत सिंग राजपूतच्या मृत्युप्रकरणाला आता तब्बल चार वर्षांहून अधिक काळ उलटला असला तरी या

रितेश देशमुखने शब्द पाळला; पाठपुरावा करुन मृत ज्युनियर आर्टिस्टच्या कुटुंबाला केली लाखमोलाची मदत!

मुंबई : 'राजा शिवाजी' चित्रपटाच्या शूटिंगदरम्यान साताऱ्याजवळ कृष्णा नदीत बुडून दुर्दैवी मृत्यू झालेल्या सौरभ

The Ganeshutsav Podcast : 'The Ganeshutsav Podcast' (TGP) चा डंका! चिराग चंद्रकांत खिलारे यांनी जगातील पहिले 'हिंदू उत्सव' पॉडकास्ट सुरू करून मूर्तिकारांना दिले व्यासपीठ

मुंबई : भारतातील समृद्ध उत्सव संस्कृतीला जागतिक स्तरावर पोहोचवण्यासाठी १७ जुलै २०२४ रोजी 'TGP (The Ganeshutsav Podcast)' या विशेष

"मला कधी लग्न करायचं नव्हतं पण..." पॉलाच्या एका मेसेजनं बदललं सारंगचं आयुष्य

पुणे : भारतीय डिजिटल पार्टी (भाडिपा) या लोकप्रिय मराठी यू ट्यूब चॅनलचा संस्थापक आणि अभिनेता सारंग साठे याने

Booby Deol : "नर्व्हस झालो, अक्षरशः घाम फुटलेला!"- 'आश्रम 3' मधील बोल्ड सीनबद्दल बॉबी देओलचा खुलासा; चाहत्यांना धक्का!

बॉलिवूड अभिनेता बॉबी देओल (Bobby Deol) सध्या त्याच्या अभिनय कारकिर्दीच्या सर्वोच्च शिखरावर आहे. ऐन तारुण्यात