Doctor Suicide: अटल सेतूवरून जे.जे. रुग्णालयातील डॉक्टरची खाडीत उडी; शोधकार्य सुरू

  168

नवी मुंबई: मुंबई आणि नवी मुंबईला जोडणाऱ्या अटल सेतू पुलावरून जे.जे. रुग्णालयातील एका डॉक्टरने खाडीत उडी मारल्याची घटना समोर आली आहे. सोमवारी रात्री उशिरा ही घटना घडली असून, मंगळवारी (८ जुलै) दुपारपर्यंत संबंधित डॉक्टरचा थांगपत्ता लागलेला नाही. सध्या पोलिसांकडून आणि आपत्ती व्यवस्थापन पथकांकडून मोठ्या प्रमाणावर शोधमोहीम सुरू आहे.


पोलिसांनी दिलेल्या माहितीनुसार, रात्री एका प्रत्यक्षदर्शीने डॉक्टरला अटल सेतूवरून खाडीत उडी मारताना पाहिलं आणि तातडीने पोलिसांना याबाबत माहिती दिली. माहिती मिळताच पोलीस आणि बीट मार्शल घटनास्थळी दाखल झाले. पुलावर एक होंडा अमेझ कार आणि एक आयफोन आढळून आला. मोबाईलच्या मदतीने संबंधित व्यक्तीची ओळख पटली असून, त्या डॉक्टरचे नाव डॉ. ओंकार भागवत कवितके (वय ३२) असे आहे.


डॉ. ओंकार कवितके हे मुंबईतील प्रसिद्ध जे.जे. रुग्णालयात कार्यरत होते आणि नवी मुंबईच्या कळंबोली परिसरात वास्तव्यास होते. प्राथमिक माहितीनुसार, त्यांनी मुंबईकडे जाणाऱ्या लेनवर गाडी थांबवली आणि खाडीत उडी घेतली.


पोलिसांनी तातडीने बचाव पथक आणि ध्रुवतारा बोट घटनास्थळी बोलावली असून, खाडीत कसून शोध घेण्यात येत आहे. या घटनेनंतर पोलिसांनी नागरिकांना आवाहन केले आहे की, कोणतीही माहिती मिळाल्यास ती तातडीने पोलिसांपर्यंत पोहोचवावी.



आत्महत्येमागचं कारण अद्याप गुलदस्त्यात


डॉ. ओंकार कवितके यांनी आत्महत्येचा निर्णय नेमका का घेतला, याचा तपास पोलीस करत आहेत. सध्या त्यांच्या कुटुंबियांचे जबाब नोंदवले जात असून, मानसिक तणाव, व्यक्तिगत अडचणी की अन्य कोणते कारण याचा शोध घेतला जात आहे. दरम्यान, डॉक्टरसारख्या उच्च शिक्षित व्यक्तीने असा टोकाचा निर्णय घेतल्याने वैद्यकीय वर्तुळातही हळहळ व्यक्त केली जात आहे.
Comments
Add Comment

गणेशोत्सवाच्या सुट्टीत खुले राहणार 'जिजामाता उद्यान'

मुंबई: गणेशोत्सवाच्या सुट्टीतही 'जिजामाता उद्यान' बुधवारी पर्यटकांसाठी खुले राहणार आहे. मात्र २८ ऑगस्ट या दिवशी

'आपले सरकार' पोर्टलवरील सेवा व्हॉट्सअ‍ॅपच्या माध्यमातून द्याव्यात', मुख्यमंत्र्यांचे निर्देश

मुंबई : राज्य शासनाच्या विविध विभागांकडून नागरिकांना सेवा पुरवल्या जातात, या सेवांसाठी आपले सरकार हे पोर्टल

Hartalika 2025: अखंड सौभाग्य आणि सुखी वैवाहिक जीवनासाठी केले जाते हरतालिकेचे व्रत

मुंबई : हिंदू धर्मातील महत्त्वाच्या सणांपैकी एक असलेला हरतालिका व्रताचा सण यंदा २६ ऑगस्ट २०२५ रोजी साजरा होत

Mumbai Police: मुंबई पोलिसांची कौतुकास्पद मोहीम, चोरीला गेलेले ८,००० मोबाईल परत मिळवून दिले

मुंबई: मुंबई पोलिसांनी चोरीला गेलेले मोबाईल फोन त्यांच्या मूळ मालकांना परत करण्यासाठी एक विशेष मोहीम सुरू केली

GSB Ganpati First Look: मुंबईतील सगळ्यात श्रीमंत बाप्पाची पहिली झलक दिमाखात सादर

मुंबईच्या GSB सेवा मंडळाच्या बाप्पाच्या फर्स्ट लुकचे दिमाखात अनावरण  मुंबई: गणेश चतुर्थीसाठी आता एकच दिवस बाकी

Ganeshotsav 2025: वांद्रे पश्चिम सार्वजनिक गणेशोत्सव मंडळाने साकारले ५२ फूटी काशी विश्वनाथ मंदिर

मुंबई: दरवर्षी प्रसिध्द मंदिरांची हुबेहुब आरास साकारणाऱ्या वांद्रे पश्चिम सार्वजनिक गणेशोत्सव मंडळातर्फे