नवी दिल्ली (प्रतिनिधी): जर तुम्ही अनेकदा राष्ट्रीय महामार्गावर रोड ट्रिप करत असाल तर तुमच्यासाठी एक दिलासादायक बाब आहे. भारतीय राष्ट्रीय महामार्ग प्राधिकरण (एनएचएआय) लवकरच त्यांच्या राजमार्ग यात्रा या मोबाइल अ‍ॅपमध्ये एक नवीन फीचर जोडणार आहे. या फीचरच्या मदतीने तुम्हाला कळेल की, दोन शहरांमधील कोणत्या मार्गावर सर्वात कमी टोल टॅक्स असेल, अशी माहिती रस्ते वाहतूक मंत्री नितीन गडकरी यांनी दिली.
केंद्रीय मंत्री नितीन गडकरींची माहिती
हायवे यात्रा अॅप २०२३ मध्य लाँच करण्यात आले होते. हे अॅप हायवेवरून करणाऱ्या प्रवाशांना रस्त्यांची परिस्थिती, सुविधा आणि आपत्कालीन सेवांशी संबंधित माहिती देते. आता त्यात जोडण्यात येणाऱ्या नवीन फीचरमुळे टोलबी तुलना करणे सोपे होईल. अँड्रॉइड फोन वापरकर्ते हे अॅप गुगल प्ले स्टोअरवरून डाउनलोड करू शकतात. आता जेव्हा एखादा प्रवासी अ‍ॅपवर त्याच्या गंतव्यस्थानाच्या प्रवासाचा शोध घेतो तेव्हा अॅप विविध मार्गाचे टोल शुल्क दाखवेल.