भाजपा खासदार मेधा कुलकर्णींची मागणी
पुणे : पुणे रेल्वे स्थानकाला थोरले बाजीराव पेशवे यांचं नाव द्यावं. या रेल्वे स्थानकाचं नुतनीकरण करताना परिसरात पुण्याचा इतिहास दिसावा, अशी मागणी भाजपा खासदार मेधा कुलकर्णी यांनी केली आहे. सध्या पुणे रेल्वे स्थानकाच्या नामांतराची मागणी होत आहे.
सामान्य भाविकांना मोकळे साईदर्शन शिर्डी : शिर्डी येथील श्री साई संस्थान मंडळाच्या तदर्थ समितीने भाविकांना दिलासा देणारा मोठा निर्णय घेतला आहे.आता ...
मेधा कुलकर्णी म्हणाल्या, “पुणे रेल्वे स्थानकाचं नुतनीकरण करणं अत्यंत आवश्यक आहे. तसेच हे रेल्वेस्थानक पाहताना किंवा रेल्वेस्थानकाचा परिसर पाहताना तिथे कुठेही पुण्याचं अथवा पुण्याच्या देदीप्यमान इतिहासाचं प्रतिबिंब दिसत नाही. त्यामुळे या रेल्वेस्थानकाचं नुतनीकरण करताना पुण्याचा इतिहास प्रतिबिंबित होईल याची काळजी घ्यावी. स्वतः पंतप्रधान नरेंद्र मोदींची देखील अशीच संकल्पना आहे.”
भाजपाच्या राज्यसभेच्या खासदार पुढे म्हणाल्या, “पंतप्रधान मोदी यांची संकल्पना आहे की देशातील रेल्वेस्थानकं, विमानतळं अशी असली पाहिजेत की तिथे त्या शहराच्या, आपल्या देशाच्या इतिहासाचं प्रतिबिंब दिसलं पाहिजे. तेच आता पुण्यातही व्हायला हवं. पुणे रेल्वे स्थानकाचं नुतनीकरण करताना स्थानक परिसरात पुण्याच्या इतिहासाचं प्रतिबिंब दिसावं. प्रामुख्याने पुणे रेल्वेस्थानकाला थोरले बाजीराव पेशवे यांचं नाव द्यावं अशी मागणी मी केली आहे”.
थोरले बाजीराव पेशवे यांनी छत्रपती शिवाजी महाराजांच्या स्वराज्याचा विस्तार केला. त्यांनी हिंदवी स्वराज्याचा कटक ते अटक असा विस्तार केला. त्यांचा शनिवार वाडा हे त्या स्वराज्याचं प्रतीक आहे. पुणे हे त्या स्वराज्याचं केंद्र होतं. त्यामुळे पुणे रेल्वे स्थानकाला थोरले बाजीराव पेशवे यांचं नाव दिलं जावं, असे मेधा कुलकर्णी यांनी म्हटले आहे.
