आपल्या रेग्युलेटरी फायलिंगमध्ये कंपनीने आपल्या JRTR कंपनीसह हमीदाराची (Guarantor) ची भूमिका पार पाडली आहे. आणि कंपनीने सगळे थकीत कर्ज व्याजासह चुकवले असल्याचे म्हटले आहे. गेले काही वर्ष अनिल अंबानी यां च्या रिलायन्स समुहाची आर्थिक घसरण सुरू होती. मात्र यावर्षी त्यांनी जोरदार पुनरागमन करत कंपनीची आर्थिक स्थिती मजबूत करण्यासाठी कंबर कसली आहे.
रिलायन्सने आपल्या विशेषतः थकीत देणी चुकवण्यासाठी प्रयत्न सुरु केले आहेत. तसेच कंपनीने हे देखील स्पष्ट केले आहे की येस बँक (Yes Bank) चे कुठल्याही प्रकारचे भागभांडवल (हिस्सा) रिलायन्स इन्फ्रास्ट्रक्चरमध्ये नाही. यापूर्वी २० २४ मध्येही अनिल अंबानी यांनी आपली थकीत देणी चुकवण्यासाठी रेग्युलेटरी फायलिंग केले होते.
ही बातमी आल्यानंतर आज दुपारपर्यंत रिलायन्स इन्फ्रास्ट्रक्चर कंपनीच्या समभागात (Shares) मध्ये २.१३% वाढ झाली आहे. सकाळी शेअर्समध्ये ३ ते ३.५०% वाढ झालेली पहायला मिळत होती. याआधी रिलायन्स इन्फ्रास्ट्रक्चरने आपल्या Rosa Power Supply Company (४८५ कोटी), रिलायन्स पॉवर (३८७२कोटी) कर्ज चुकते केले होते. रिलायन्स इन्फ्रास्ट्रक्चरने जे आर टोल रोड कंपनी ही राष्ट्रीय महामार्ग ११ वरील ५२ किलोमीटर लांबीच्या देखभालीसाठी व विकासासा ठी जबाबदारी घेते. या प्रकल्पारता ही कंपनी स्थापन करण्यात आली होती.
नेमके रेग्युलेटरी फायलिंगमध्ये कंपनीने काय म्हटले आहे ?
२६ नोव्हेंबर २०२४ आणि १ एप्रिल २०२५ रोजीच्या आमच्या खुलाशांच्या आधारे आणि लिस्टिंग रेग्युलेशनच्या नियम ३० नुसार, आम्ही येथे कळवत आहोत की कंपनीची पूर्ण मालकीची उपकंपनी असलेल्या जेआर टोल रोड प्रायव्हेट लिमिटेड (जेआरटीआर) ने (कंपनी कॉर्पोरेट गॅरंटर म्हणून) आज येस बँक लिमिटेड (वायबीएल) सोबत सेटलमेंट करारात एक परिशिष्ट (Addendum) केला ज्यासाठी जेआरटीआरने वायबीएलला देय असलेले सुमारे रुपये २७३ कोटी व्याजासह संपू र्ण थकित कर्ज दायित्व आहे आणि त्यांनी योग्यरित्या पैसे दिले आहेत.'