पुणे : बॉलीवुड अभिनेता वरुण धवन याने पुणे येथे ‘बॉर्डर २‘ या चित्रपटाच्या चित्रीकरणादरम्यान अहान शेट्टी सह पुणे मेट्रोतून प्रवास केला . त्यांचा पुणे मेट्रोतून प्रवास करताना एक व्हिडिओ सध्या व्हायरल होत आहे . यात मास्क लावून अभिनेता वरुण धवन आणि अहान शेट्टी पुणे मेट्रोमध्ये चढताना दिसत आहेत .
पुण्याच्या नागरिकांनी वरुण धवन आणि अहान शेट्टी यांना मेट्रो स्थानकावर पाहिल्यावर आश्चर्य आणि आनंद व्यक्त केला . प्रवासादरम्यान वरुणच्या अनेक चाहत्यांनी त्याच्यासोबत सेल्फी सुद्धा घेतली. चाहत्यांनी या दोघांच्या या साधेपणाचे भरभरून कौतुक केले.
मुंबई: लोकप्रिय मराठी अभिनेत्री प्रार्थना बेहरेला मोठी दुखापत झाली असून तिच्या डाव्या पायाच्या गुडघ्यावर शस्त्रक्रिया करण्यात आली आहे. प्रार्थनाने ...
वरुण धवनने स्वतः तिकीट बुक केल्याचा आणि मेट्रोच्या प्लॅटफॉर्मवरून प्रवास केल्याचा व्हिडिओ अहान शेट्टीने आपल्या इन्स्टाग्राम अकाउंटवर शेअर केला. या व्हिडीओमध्ये अहान शेट्टी, वरुण धवन दिसत आहे . वरुण धवन म्हणतो की, आम्ही सध्या पुण्यात आहोत. आम्ही हरवलो आहोत, तर आम्ही आता मेट्रोमधून प्रवास करीत हॉटेलपर्यंत जाणार आहोत. त्यानंतर ते पुण्याच्या मेट्रोमधून प्रवास करताना दिसत आहेत . त्यांनी यादरम्यान चेहर्यावर मास्क लावला आहे. त्यांनी काही वेळ गर्दीत उभे राहून प्रवास केल्याचे दिसत आहे.
‘बॉर्डर २‘ च्या शूटिंगला सुरुवात झाली आहे. या चित्रपटात सनी देओल, वरुण धवन, दिलजीत दोसांझ, अभय शेट्टी हे कलाकार प्रमुख भूमिकांत दिसणार आहेत. या चित्रपटाचे शूटिंग विविध राज्यांत होत आहे. सध्या पुण्याच्या राष्ट्रीय संरक्षण अकादमी मध्ये हे शूटिंग सुरू आहे . आता या सगळ्यात अभिनेता वरुण धवन व आहान शेट्टी यांनी लक्ष वेधले आहे.
अनुराग सिंह दिग्दर्शित ‘बॉर्डर २‘ मध्ये सनी देओल त्यांच्या सर्वात प्रतिष्ठित भूमिकांपैकी एका भूमिकेत परत येत आहेत. चित्रपटाचे चित्रीकरण डिसेंबर २०२४ मध्ये सुरू झाले असून सध्या एनडीए येथे तिसऱ्या शेड्यूलचे चित्रीकरण सुरू आहे. या शेड्यूलमध्ये प्रमुख लष्करी दृश्ये चित्रित केली जाणार आहेत. लवकरच हा सिनेमा प्रेक्षकांच्या भेटीला येईल . हा चित्रपट पुढील वर्षी २०२६ च्या प्रजासत्ताक दिनाच्या मुहूर्तावर प्रदर्शित होणार आहे . हा चित्रपट प्रजासत्ताक दिनाच्या अगदी आधी २३ जानेवारी २०२६ रोजी चित्रपटगृहांमध्ये प्रदर्शित होईल . सुमारे दोन दशकांपूर्वी प्रदर्शित झालेला 'बॉर्डर'चा पहिला भाग बॉक्स ऑफिसवर सुपरहिट ठरला होता . आता त्याच्या दुसऱ्या पर्वाचे शूटिंग सुरू आहे .