पंतप्रधान मोदी आणि इराणच्या राष्ट्राध्यक्षांनी फोनवरुन केली चर्चा

नवी दिल्ली : इस्रायल आणि इराण यांच्यात सुरू असलेल्या लढाईत अमेरिका आणि येमेनमधील हुती अतिरेकी संघटना यांनी एकाच दिवशी उडी घेतली आहे. यामुळे युद्ध विस्तारण्याचा धोका वाढला आहे. या पार्श्वभूमीवर पंतप्रधान नरेंद्र मोदी आणि इराणचे राष्ट्राध्यक्ष मसूद पेझेश्कियान यांच्यात फोनवरुन चर्चा झाली. दोन्ही नेत्यांनी सध्याच्या परस्थितीबाबत चर्चा केली. लष्करी संघर्षाबाबत पंतप्रधान मोदींनी चिंता व्यक्त केली. तणाव त्वरेने कमी करण्यासाठी संवाद हाच उत्तम पर्याय असल्याचे पंतप्रधान मोदी म्हणाले. प्रादेशिक शांतता, सुरक्षितता आणि स्थैर्यासाठी लष्करी संघर्ष थांबणे आवश्यक असल्याचे पंतप्रधान मोदी म्हणाले. पंतप्रधान मोदींनी केलेल्या आवाहनाला इराण कसा प्रतिसाद देणार याकडे अनेकांचे लक्ष आहे.



पंतप्रधान नरेंद्र मोदी आणि इराणचे राष्ट्राध्यक्ष मसूद पेझेश्कियान यांच्यात फोनवरुन ४५ मिनिटे चर्चा झाली. दोन्ही देशांनी एकमेकांमधील दृढ करण्याची परस्परांना हमी दिली. भारत हा प्रादेशिक शांतता, सुरक्षितता आणि स्थैर्यासाठी काम करणारा देश असल्याचे इराणचे राष्ट्राध्यक्ष मसूद पेझेश्कियान म्हणाले. तणाव करण्यासाठी भारताने सुचविलेल्या सल्ल्यांवर इराण गंभीरपणे विचार करेल, असे इराणचे राष्ट्राध्यक्ष मसूद पेझेश्कियान म्हणाले. त्यांनी तणावाच्या काळातही इराण सोबत राहिल्याबद्दल पंतप्रधान मोदींचे आभार मानले. प्रादेशिक शांतता आणि स्थैर्यासाठी भारताची साथ महत्त्वाची असल्याचे ते म्हणाले.

इस्रायल आणि इराण यांच्यात दहा दिवसांपासून लढाई सुरू आहे. अमेरिकेने इराणमध्ये निवडक ठिकाणी बॉम्ब टाकले. इराणची आण्विक शक्ती नष्ट करण्यासाठी ही कारवाई केल्याचे सांगत अमेरिकेने इस्रायलच्या इराण विरोधी कारवाईला पाठिंबा जाहीर केला. आवश्यकता भासल्यास इराण विरोधात आणखी कठोर कारवाई करू, असेही अमेरिकेने जाहीर केले. तर अमेरिका इराणवर हल्ला करणार असेल तर आम्ही अमेरिकेला धडा शिकवू, असा धमकीवजा इशारा येमेनेमधील हुती अतिरेकी संघटनेने दिला आहे.

इस्रायल आणि इराण यांच्यात सुरू असलेल्या लढाईत अमेरिका इस्रायलच्या बाजूने उभी आहे. पण अमेरिकेने केलेला हल्ला आणि त्यांचा इस्रायलला असलेला पाठिंबा म्हणजे इराण विरोधातील कारवाईच असल्याचे इराण सरकारने जाहीर केले. इस्रायलने १३ जून २०२५ रोजी आण्विक शक्ती नष्ट करण्याच्या उद्देशाने इराणवर हवाई हल्ले सुरू केले. याला प्रत्युत्तर म्हणून इराणने वेगवेगळ्या उंचीवरुन उडणाऱ्या क्षेपणास्त्रांचा वापर करुन इस्रायलच्या हवाई संरक्षण यंत्रणेला चकवून हल्ले सुरू केले आहेत.
Comments
Add Comment

अमेरिकेच्या निर्बंधांचा परिणाम! भारताचा रशियाकडून तेल खरेदीवर तात्पुरत्या बंदीचा निर्णय

नवी दिल्ली: अमेरिकेने रशियातील दोन प्रमुख तेल कंपन्या रोझनेफ्ट आणि लुकोइल यांच्यावर नव्या आणि कठोर निर्बंधांची

कर्नाटकातील आधुनिक श्रावणबाळ; ८५ वर्षीय आईला खांद्यावर घेऊन कर्नाटकातील विठूभक्ताची पंढरपूर वारी

बेळगाव : पौराणिक कथेत श्रावणबाळाने आपल्या आई वडिलांना कावड करुन तिर्थयात्रेला घेऊन जात होता. मात्र अलिकडची काही

जम्मू काश्मीरमधून राज्यसभेसाठी नॅशनल कॉन्फरन्सने तीन तर भाजपचा एका जागेवर विजय

नवी दिल्ली : जम्मू काश्मीरमध्ये राज्यसभेच्या ४ जागांसाठी निवडणूक झाली. या निवडणुकीत नॅशनल कॉन्फरन्सने ३ जागांवर

देशात लवकरच सुरू होणार 'भारत टॅक्सी' सेवा; केंद्र सरकारच्या सहकार विभागाचे मोठे पाऊल

मुंबई : ॲप आधारित टॅक्सी सेवेत ओला आणि उबरसारख्या खाजगी कंपन्यांची मक्तेदारी संपुष्टात आणण्यासाठी केंद्र

दिवाळी रोजगार मेळाव्यात मोदींनी ५१,००० हून अधिक जणांना दिली नोकरी

नवी दिल्ली : पंतप्रधान नरेंद्र मोदी यांनी आज 'रोजगार मेळाव्यात' ५१,००० हून अधिक तरुणांना नोकरीची पत्रे दिली.

मतदारांसाठी निवडणूक आयोगाचे नवे नियम; गरजेच्या किमान सुविधा देणे बंधनकारक

नवी दिल्ली : भारतीय निवडणूक आयोगाने सर्व राज्यांच्या मुख्य निवडणूक अधिकाऱ्यांना एक महत्त्वाचा आदेश दिला आहे.