Ajit Doval: ऑपरेशन सिंदूरनंतर अजित डोवाल पहिल्यांदाच चीनला जाणार

नवी दिल्ली: भारताचे राष्ट्रीय सुरक्षा सल्लागार अजित डोवाल (Ajit Doval) लवकरच चीनच्या दौऱ्यावर जाणार आहेत. हा दौरा पुढच्या आठवड्यात होण्याची शक्यता आहे. डिसेंबरनंतरचा डोवाल यांचा हा दुसरा चीन दौरा असेल. या भेटीतील त्यांचे उद्दिष्ट दहशतवादाविरुद्ध कठोर भूमिका घेणे आणि भारत-चीन संबंधांमधील तणाव कमी करणे हे असणार आहे. ही भेट सप्टेंबरमध्ये होणाऱ्या शांघाय सहकार्य संघटनेच्या (SCO) शिखर परिषदेच्या तयारीचा एक भाग आहे.


सध्या संपूर्ण जगाचे लक्ष इस्रायल आणि इराणमध्ये सुरू असलेल्या संघर्षावर आहे. यादरम्यान, अजित डोवाल यांची ही भेट अधिक महत्त्वाची मानली जात आहे. इराणचे एनएसए या बैठकीला उपस्थित राहणार की नाही हे अद्याप स्पष्ट झालेले नाही, परंतु डोवाल चीन, रशिया आणि इतर एससीओ सदस्य देशांच्या सुरक्षा सल्लागारांशी नक्कीच चर्चा करतील.

सर्वांच्या नजरा या गोष्टीकडे लागून आहेत की डोवाल चीनचे परराष्ट्र मंत्री वांग यी यांची भेट घेणार का नाहीत. वांग यी हे चीनचे विशेष प्रतिनिधी देखील आहेत. ही भेट भारत-पाकिस्तानमधील तणावाच्या पार्श्वभूमीवर आणि चीनकडून पाकिस्तानला लष्करी पाठबळ दिल्या जात असलेल्या वातावरणात होणार आहे.

दहशतवादाबद्दल अजित डोवाल यांचे स्पष्ट मत


मीडिया रिपोर्टनुसार, अजित डोवाल यांचा हा चीन दौरा शांघाय सहकार्य संघटना (SCO) शिखर परिषदेच्या तयारीचा एक भाग आहे. ही शिखर परिषद सप्टेंबरच्या सुरुवातीला चीनमध्ये होणार आहे. डोवाल या दौऱ्यात चीन आणि रशियातील त्यांच्या समकक्षांशी भेट घेणार आहेत. या भेटीत विविध मुद्द्यांवर चर्चा होण्याची अपेक्षा आहे. या दौऱ्यात अजित डोवाल दहशतवादाविरोधात कठोर कारवाई करण्याचा संदेश देतील. तसेच दहशतवाद्यांना मिळणाऱ्या मदतीला रोखण्याबाबतही ते चर्चा करण्याची शक्यता आहे.



भारत-चीन विमानसेवा पुन्हा सुरू करण्यावर चर्चा  


याशिवाय या दौऱ्यात भारत आणि चीन दरम्यान थांबवण्यात आलेल्या थेट विमानसेवा पुन्हा सुरू करण्यावरही चर्चा होण्याची शक्यता आहे. चीनने भारताशी थेट विमानसेवा सुरू करण्याची विनंती केली आहे. ‘ऑपरेशन सिंदूर’नंतर भारताने चीनला कडक संदेश दिला होता. हा संदेश सीमापार दहशतवाद आणि पाकिस्तानच्या भूमिकेबाबत होता.


Comments
Add Comment

लग्नासाठी वेळेवर ब्लाऊज शिवून दिला नाही, टेलरला ७ हजारांचा दंड

अहमदाबाद: अहमदाबादमधील एका टेलरला लग्नाच्या कार्यक्रमासाठी वेळेत ब्लाउज शिवून न दिल्याबद्दल मोठा आर्थिक

तेल आयात सोडा, ट्रम्प यांच्या नाकावर टिच्चून भारताचा रशियाबरोबर विमान निर्मितीचा ऐतिहासिक करार

देशात तयार होणार सुखोई सुपरजेट नवी दिल्ली : गेल्या काही दिवसांपासून अमेरिका आणि भारतामधील व्यापारी संबंध ताणले

चक्रीवादळ 'मोंथा'मुळे देशभरातील हवामान बदलणार

पुढील पाच दिवसांत काही राज्यांना पावसाचा इशारा! मुंबई : बंगालच्या खाडीत उफाळलेलं मोंथा चक्रीवादळ, अरबी

फॉरेन्सिकचं ज्ञान वापरून खून लपवण्याचा प्रयत्न, पण हुशार पोलिसांनी बिंग फोडले!

नवी दिल्ली : यूपीएससीची तयारी करणाऱ्या ३२ वर्षीय तरुणाची त्याच्याच प्रेयसीनं हत्या केल्याचा धक्कादायक प्रकार

पाकिस्तान-अफगाणिस्तानात तणाव असतानाच राष्ट्रपती द्रौपदी मुर्मू घेणार राफेलमधून झेप!

नवी दिल्ली : भारताच्या राष्ट्रपती द्रौपदी मुर्मू उद्या, म्हणजेच २९ ऑक्टोबर २०२५ रोजी, हरियाणातील अंबाला हवाई दल

8th Pay Commission : केंद्रीय कर्मचाऱ्यांसाठी 'बंपर' भेट!; ८वा वेतन आयोग अखेर मंजूर; 'या' तारखेपासून होणार लागू, किमान वेतनात होणार 'इतकी' वाढ!

नवी दिल्ली: केंद्र सरकारने अखेर आज ८ व्या वेतन आयोगाला मंजुरी दिली आहे. यामुळे ५० लाख केंद्रीय सरकारी कर्मचारी